Clemens ep(iscopu)s seruus seruorum dei Ad perpetuam rei memoriam
Personar(um) illustrium uotis illis presertim que uenerationem sanctor(um) respiciunt tenemur et cupimus fauorabiles inueniri. Exhibita siquide(m) nobis dilecti filij
nobilis viri Karoli Marchionis Morauie primogeniti Carissimi in (Christ)o filij n(ost)ri Johannis Regis Boemie Illustris petitio continebat q(uo)d ip(s)e ob deuotio
nem et reuerentiam sancti Wenceslai olim Regis Boemie de nouo fieri fecit quoddam satis preciosum Regium diadema illudq(ue) glorioso capiti dicti
sancti cuius corpus in pragen(si) requiescit eccl(es)ia donauit et fecit apponi ea intentione ut ab ip(s)o Capite non debeat amoueri nisi dumtaxat quando
Regem Boemie qui pro tempore fuerit de nouo coronari uel alia per eundem Regem solempnia que Regalis diadematis usum exigerent in Ciuitate uel
suburbijs pragen(sibus) solempniter celebrari contingeret quo casu liceat prefato Regi diadema ip(su)m recipere sic tamen q(uo)d ip(su)m eadem die coronationis uel ce
lebrationis huiusmodi eidem beato capiti reponere teneatur. Veru(m) quia ip(s)e Marchio sicut eadem subiungebat petitio pertimescit ne aliqui propter magnam
preciositatem ipsius diadematis seu aliam causam ip(s)o diademate in alijs abuti presumant nobis humiliter supplicauit ut super hoc de oportuno prouidere remedio
dignaremur. Nos igitur ipsius Marchionis in hac parte deuotis supplicationibus inclinati auctoritate presentium districcius inhibemus ut nullus tam cl(er)icus quam
laicus cuiuscumq(ue) preeminentie dignitatis aut status existat audeat uel presumat diadema predictum quocumq(ue) modo titulo occasione uel causa alienare distra
here seu pignori obligare. Alioquin omnes et singulos qui secus attemptare presumpserint preter alias penas in tales a canone promulgatas exco(mmun)icationis
sententia(m) a qua non nisi prius diadema ip(su)m capiti predicto reposuerit nec tunc per alium qua(m) per Roman(um) pontificem preterq(uam) in mortis articulo absolui pos
sint incurrere uolumus ip(s)o facto. Nulli ergo omnino hominum liceat hanc paginam n(ost)re inhibitionis et uoluntatis infringere uel ei ausu temerario contraire.
Siquis autem hoc attemptare presumpserit indignationem omnipotentis dei et beator(um) Petri et pauli ap(osto)lor(um) eius se nouerit incursurum. Dat(um) Auinion(e)
Non(is) Maij Pontificatus n(ost)ri Anno Quarto.