Wir burggraue otte von Dvnne h(er)re zcu pont bekennen offenlich an disem
briefe das wir mit vnsern liebn ohmen Hannuse vnde Thomen ge
brudern vnde Tymen iren vetern von koldicz gekouft haben reht vnt
rechtlich zcu eime rehten erbe koufe vns vnt vnsern erben dise zcwei dorf
Luttenhayn vnde Ebirspach mit allen iren rechten di dar zcu gehoren vmme
hundert schog vnde drissik schok brad groschen Mogen sy di dorfe wid(er)
gekoufen vmme sulch gelt als vor geschribn ist von hute vbir eyn gancz
ior vnt di ior sy sullen es in ir gut wid(er) antwurten loz vnde ledig ane
alle argelist des gebn wir dissen offn brief zcu bekentniz mit vnserm insigel
vor sigelt d(er) geschribn ist zcu pont noch gotis geburt driczenhundert ior
inde Nv(e)n vnt firczigisten iare an d(em) fritage noch s(an)c(t)e Joh(ann)is tage latini