Wir Půt vnd Wernher von Schow(m)burch H(er)ren czu dem Hassenstein veriehen vnd tůn chunt offenlich mit disem
briefe alln den die in sehn oder horen lesen daz wir vnser hus den Hassenstein Sletyn vnd die P(ro)b(s)t(e)y
mit aller zugehorunge czu rehtem mannes lehn von dem allerdurchluchtigistem fursten vnd H(er)ren H(er)rn Karln
Romischem kungi czu alln czeitn mer(er) des R(e)ichs vnd kunge czu Behem vnserm liebn genedigen H(er)ren als
von eynem kunge vnd der cronen czu Beheim enpfangen habn vnd habn auch gehuldet gelobt vnd
gesworn hulden gelobn vnd swern mit gutn tru(e)n an geuerde fur vns vnser Erbn vnd Nachkomen
dem obgen(antn) vnserm H(er)ren sinen Erbn vnd Nachkomen kungen czu Beheim vnd der cronen do selbest ge=
tru(e) gehorsam vnd vndertanig cze sin ewichlichn an aller d(er) wize als man von mannschefften vnd mannes
lehen gen iren rehten Erbh(er)ren cze tun phlichtig sint czur vrkund ditz briefs besigelt mit vns(er)n
Jngsigeln der gebn ist czu Prage da man czalt nach crists geburt dru(e)czehnhund(er)t jar darnach
jn dem eynvndfunfczigsten jar an dem abende d(es) haligen Auffart vnsers H(er)ren .~.