Wir Ludewig genant der Rom(er) von gots gnaden marggraf zu Brandeburg vnd ze Lusicz, des heilign Rom(ischen) richs oberster
camer(er), pfalnzgraf bi rein vnd herczog in Beyern bekennen vnd tun kunt offenlichn mit disem brief allen den di
in sehen oder horen lesen, daz wir dem allirdurchluchtigisten fursten vnd herren, her(r)n Karlen Romisch(e)m kaiser ze
allen zeiten mer(er) des richs vnd kunige ze Beheim, vnsem liebn gnedign herren, vnd dem hochgebornen
fursten Johans marggrafen ze Merhr(e)n, vnsem oheim, iren erbn vnd nachkomen, kunigen ze Beheim vnd
marggrafen ze Merhr(e)n, gelobet habn vnd gelobn auch fur vns, vnser erbn vnd nachkomen ewiclichn in gu
ten truwen an geverde, daz wir in iren landen vnd herscheften, wo si di habnt vnd der si in gewer sint, dheine
feste, stat oder gut koufen noch dheinen man, der in iren landen gesezzen sei, zu diener enphahen
wollen oder sullen, ez wer denn, daz sie vns des mit gutem willen gunnen wolten, vnd daz selbe sulln die egn(anten)
vnser herre der kaiser, der marggraf ze Merhr(e)n vnser oheim, ir(e) erbn vnd nachkomen, kunige ze Beheim
vnd marggrafen zu Merhr(e)n, gen vns, vnsn erbn vnd nachkomen, marggrafen ze Brandeburg, zu Lusicz, pfal
lnzgraf bi rein vnd herczog in Beyern, zu tun pflichtig sein gleichwis, als vor begriffen ist. Mit vrkund
diz briefs, versigelt mit vnsem Ingesigel, der gebn ist zu Nurenberg, nach crists geburt dreuczehnhundert
Jar in dem funfundfumfczigisten Jare, an dem nehisten dunrstag nach sand Andres tag des heiligen