Dem allir durchluchtistn herrn herrn Karl Romischn keisir czu allin czeitn
merer des Rychs und kunige czu Behemen unsim libin gnedigin herrn enpi
te ich Luding von gotis gnadn herczog in Sle und herre czu Lignicz und czu
lobn myn willigis dinst czu allin czeitn bereit Libir gnedigir herre uwir
gnadn tun ich czu wissn und bekenne offinlichin an desim brife das mich
her heinke von Czedlicz und her heinrich von Landiskron Rittire und pfaer
der gnade bezalt habn vier hundirt schocke grossin von uwir weine
gutlich unde liplich also das mir gar wol dor an genogit des sag ich uwir
keysirlichin gnadn grosin dank und sage uwir gnade ledig unde
quit und los und wellin uch und uwir dy genantn vier hundirt schok
nymmirme gemanen und czu orkunde dis bekentnissis hab ich myn Ingesi
gil an gehangin Gegebn czu Breslaw an den nesten fritage noch sente paulus
tag als her bekart wart noch gotis geburt driczinhundirt jar in dem achte
und funfczigistn jare