In nomine sancte et indiuidue Trinitatis feliciter Amen. Karolus Quartus diuina fauente clemencia Roman(orum) Imperator semp(er) Augustus Et Boemie Rex Ad
perpetuam rei memoriam. Quia Castrum Hirsperg super fluuio Sale Nuemburgen(sis) dioc(esis) situatum, q(uo)d de Sacri Romani Imperij mero dominio ac d(i)c(t)i necnon immedia
ta p(ro)prietate consistit, Illustri Friderico Marchioni Misnen(si) Principi et Consang(uineo) n(ost)ro dilecto pro Milleducentis marcis puri argenti grauis ponderis et Sexingentis Sexa
gen(is) grossor(um) pragen(sium) vsualis et currentis monete obligatum rep(er)it n(ost)ra Serenitas. Q(uo)d ip(s)e Marchio a Spectabili Henrico longo de Plawen pro sup(ra)scriptis eciam pecunijs
nup(er) liberasse dinoscit(ur). Q(uo)d eciam multo iamte(m)p(o)re in manib(us) d(i)c(t)i de Plawen et p(ro)genitor(um) eius nomine pignoris extitit, qui eciam ex forma obligationis no(n) tenebant(ur)
fructus in sorte p(ri)ncipali deduce(re) sicut in l(itte)ris obligationis huiusmodi expressius continetur, et tamdiu in manib(us) alioru(m) p(re)stitit, ut uidel(icet) negligencia gub(er)nator(um) collabe
retur, edifitia et Structure tractu iam uetustatis absumpte, ruinam cottidie minarent(ur), Predia eciam deserta(n)t(ur) et destrui rite conspeximus, p(ro)pter q(uo)d et alias causas legitimas
que animu(m) n(ost)r(u)m ad hoc faciendum rationabilit(er) inducebant. Animo deliberato, Sano Principum, Baronum et Procerum n(ost)rorum accedente consilio, d(i)c(t)um Castrum e manib(us)
prefati Marchionis pecunia Regni n(ost)ri Boemie ad honorem et utilitatem Sacri Imperij duximus redimendum, et pro rehabicione ac recupatione dicti Castri et pertinentiar(um) eius
eidem Marchioni et suis fratrib(us) sup(ra)dictas Milleducentas marcas puri argenti grauis ponderis et Sexingentas Sexagen(as) grossor(um) pragen(sium) vsualis et currentis monete solui
mus et expediuim(us) integralit(er) et complete. Ne igitur Illustres Reges Boemie heredes et successores n(ost)ri Regnumq(ue) et corona Boem(ie) impensis huiusmodi fraudari ualeant et inde
incomoda uel iacturas sustineant, vnde merito gratiar(um) actiones et fructum reportare merent(ur), Sed potius eis ab Imp(er)io sacro cui in hoc p(ro)curat(ur) vtilitas, de huiusmodi pecu
nijs legittime satisfiat, Regibus Boem(ie) heredibus ac succ(ess)oribus n(ost)ris necnon Regno et Corone Boemie Castrum predictum cum omnibus suis pertinentijs, fructib(us), vtilitatib(us)
et Rebus alijs ad hoc spectantib(us) quibuscumq(ue) eciam nominibus ualeant appellari, sicut in manib(us) et possessione d(i)c(t)or(um) Marchion(is) et de Plawen atten(tius) fuisse
noscunt(ur), pro antedictis Milleducentis marcis puri argenti g(ra)uis ponderis et Sexingentis Sexagen(is) grossor(um) Pragen(sium) vsualis et currentis Monete, uere et
titulo iusti et ueri pignoris auct(oritat)e Imp(er)iali p(re)sentib(us) obligamus, ad habendum, tenendum et vsuftruendu(m) donec ip(s)is Re gibus, Regno et Corone Boem(ie) de pre
dicta Suma pecunie a Sacro Romano Imperio fuerit integralit(er) et plenarie satisf(a)c(tu)m, fructibus in sorte p(ri)ncipali no(n) defalcandis, cum sint adeo tenues
q(uo)d no(n) sufficiat pro dicti Castri gubernatione et custodia procurandis. Nulli ergo om(n)ino hominum liceat hanc n(ost)re obligationis paginam infringere seu
ei ausu temerario contraire. Sub pena Centum Marcar(um) Auri puri quas ab eo qui contrafecerit tocies quocies con trafactu(m) fuerit irremissibilit(er) exigi
volumus, et earum medietatem n(ost)re Regalis Erij siue fisci, Residuam uero partem iniuriam passorum vsibus applicari, Supplentes omne(m) defectu(m)
siquis in p(re)missis obligationis contractu ex p(ar)te solempnitatis obmisse siue quouis alio modo comptus fuerit, de certa n(ost)ra scientia et de plenitu
dine Cesaree pot(est)atis. Signum Serenissimi Principis et d(omi)ni d(omi)ni Karoli Quarti Roman(orum) Impera toris Inuictissimi et Gloriosissi
mi Boemie Regis. Testes huius Rei sunt, Venerabiles Arnestus S(an)c(t)e Pragen(sis) Eccl(esi)e Archiep(iscopu)s, Johannes Olomucen(sis), Albertus Swerinen(sis) et Maurus Corbamensis Eccl(esi)ar(um) Epi(scopi),
Illustres Wilhelmus Marchio Misnen(sis), Bolco Swidnicen(sis), Conradus Olsnicen(sis), Bolco Opulien(sis), Bolco Falkenbergen(sis) et Przemislaus Tesschnen(sis) duces, Spectabiles Johannes et Bur
chardus, Burgrauius Magdburgen(sis) Comites, ac Nobiles Hasco de Swereticz Magister Camere n(ost)re, et Sdenco de Sterenberg Judex Regalis Curie per Boemiam, et alij q(uam)plures n(ost)ri
Principes Nobiles et fideles. Presentium sub Imp(er)ialis n(ost)re Maiestatis Sigillo, testimonio l(itte)rar(um). Datum Wratislauie, Anno d(omi)ni Millesimo Trecentesimo Quinquagesimonono,
Indiction(e) duodecima, iiij. Non(as) Januarij, Regnorum n(ost)ror(um) Anno Terciodecimo, Imperij uero Quarto.