Henricus de oberndorf pl(e)b(a)n(u)s in herspruk p(re)ntib(us) recognosco q(uo)d Hermann(us) pfefflinus p(ro)cur(ator) in her
spruk coram me ostendebat vnam l(ite)ram veram cu(m) vero pendenti sigillo d(omi)ni Adam Gerolenuelser
q(uam) vidi no(n) rasam no(n) ca(n)cellatam n(ec) in aliq(ua) sui p(ar)te suspectam cui(us) tenor seq(ui)t(ur) de verbo ad verbum in h(ec)
verba Ich Adam von Gerolnfeld zu den zeite(n) gewaltig(er) vogt ze Herspruk vergih offenwar an disem
brief daz fur mich kum in offem gerichte di(e) Erwirdig gaistlich fraw fraw Anna abtessin ze pergen
mit irem fursprechn vn(d) bat mich ze fragen nach iren lehen ze herspruk do fragt ich sibn gesworn
schepfen di(e) sagtn uf ir aide daz man vmb ir Aygen niment anderswa beklagen solt dann vor ir od(er)
we des genanten closters pfleg(er) ist vn(d) vor dem gewaltigen vogt ze Herspruk uf irem hof vn(d) zu dreyn
ehaften gerihten Also daz we vogt ist ze herspruk sol alle jar besitzzen drev ehaft gerihte uf dem gena(n)
te(n) clost(er) hof ze Herspruk vn(d) sol bey im sitzzen ain abtessin ze pergen od(er) we pfleg(er) ist des selbns clost(er)s
od(er) ir gewaltig(er) amptma(n) vn(d) we dann ze klagen hat vmb erbe od(er) vmbe Aygen od(er) vmbe lehen der
sol ez lautmern zu zwain ehafte(n) gerihten vn(d) zu dem dritten ehafte(n) gerihte sol er dar nach kume(n) als
reht ist vn(d) swes man da duellet daz ist d(er) gena(n)ten abtessin od(er) we an ir(er) stat ist dew zwai tail vn(d)
des vogts d(er) drittail vn(d) des sol ir geholffen sein we amptma(n) od(er) vogt ist ze Herspruk dez gezevge
di(e) des selbn tail(s) gesworn schepfen vn(d) haist man dez gerihtes uf dem lande ze Herspruk Goppolt
von Ortashofen ffridrich von Hofmanspach Hainrich Geltz ze alt(e)n spricheshofen der Ewn von Alfelt
fridrich toterl von ponlant Hainrich loslin von Algersdorf dyerich von obnste(n)pach zu ainem
vrkunde gib ich ir disen offen brief von gerihte v(er)sigelt mit meim insigel gebn nach crists geburt drev
zehn hund(er)t jar in dem drey vn(d) virzigstim jar an dem nehste(n) montag nach sand Gallen tag In q(uo)ru(m)
testimoniu(m) sigillu(m) meu(m) p(re)sentib(us) p(re)ntib(us) apposui testib(us) p(re)ntib(us) nycolao pl(e)b(a)no in Arnoltsgrun Joh(ann)e
vnrikes ciue in herspruk Actu(m) anno d(omi)ni m ccc l ix o q(ui)nto f(e)r(ia) s(e)c(un)da an(te) assu(m)pco(n)em b(ea)te
virginis Marie