Ich Thime der Eltiste von Colditz Bekenne vor mich vnd myne son heynrich vnd and(er) myne erben In dysim offin briue alle den dy yn
sehen adir horin lesin Daz ich eyn wol bedachtim mute v(er)kouft habe recht vnd redelichin myme libin vettern Bvthime deme
jungirn herrin zcu colditz vnde syne erben myne hus zcu Eobitz daz man heyst daz vordir hus mit allin murin vnd getzimm(er) mit
myme teile dez uorburgis vnd dez turnis der dar ynne stet mit bergin talin binklin grabin thorin stegin vnd wegin mit dych
en vn(d) teych houen mit allin holtz holtz on uor legin dy da zcu gehorin mit deme kirch lene zcu Eobitz vnd mit deme rechte daz
ich gehab(e) habe an der eyn messe wense der pharrer nach vnsirn willin vnd geheise solde vor lyen wen sich daz geburte dar zcu dy
len der etzlichin zcu allin heyligin daz eyn vnd dy an(der)n zcu allirn(e) nst genest da zcu eynin teyl dez holtzis on dez holtz grabins dar zcu
myn teyl an der stat zcu colditz mit zinsin gultin on allin nutzin den hof der zcu myne v(er)wese hat gehort mit allin zinsin holtzis vnd
vor legin mit den zins gutirn vnd allin gutirn dy vme dy stat sint gelegin dar zcu den aldin vnd eync an(der)n wiese dy by der vroweyde
sint gelegin vnd dy gemeyne an der vroweyde dar zcu dy mulde vnd dy vischerie dar ynne an beydin vuerin ane eync vischer zcu
dupen der uon mir vor legin is vnd allis daz disse der mulde in deme gerichte zcu colditz stet is benant adir vnbena(n)t In lene
geistlich vnd werltlich mit gerichte vnd mit allin rechte eyn vnd an(der)n alz myne eldirn daz gehab(e) habin vnd ich is uf dise zcit da
zcu dy is yt in deme schimelicz v(er)tzusint schok breyt(er) grosshin der her mich sibin hundirt schok ledigin sal zcu myme vettern fre
delichin von der dame deme ich dez uorgen(an)tin husis eyn teyl mit allin uorgen(an)tin gutirn vnd mit and(er)me gute daz e(r) is der mulde the
da uor uorsatzt habe vnd daz sal her endin von vnsir vrowin tage blubin der schyst kumpt obir zwey iar also daz mir al myn gut an
manschaft genst der mulda daz ich ym uorsatzt hab(e) ledich vnd loz werde lost is abir myn vetter Bvthime e(r) den zwen iar(e)n doch so sal
dy her nuge on manschaft dy gut behaldin so hat myn vor gen(an)t(er) vetter Bvthime mir on myne erben dvrch sund(er)lich(e) fruntschaft on
libe glob(e) uor sich on syne erben daz h(er) mir daz uorgen(an)te uordir hus mit alle d(er)n gehoruge vnd uorkoufin wil ab ich adir myne erben in dar
vme bytin vme ahthunt schok breyt(er) grosshin alz uor geschrebin stet mit vnsirn eygin gelde we is abir daz myn vetter Bvthime daz hus vnde
gut von dem von der dame dy is uor benvmen is nicht mochte brengin so sal ich dvrch fruntschaft wille myne gute genst d(er) mulda vm
gerin alz lange by daz is ym brechte daz sal doch is geschehin by d(er) nst alz daz hus vnd gut dem uo(n) d(er) dame uorsatztin zolde noch d(er) behaldunge
dez briue dy wir l(e)dich sit dar obir gegebin habin wirt abir myn vetter Bvthime von deme uo(n) der dame brechte nach de(n) zwe(n) iar(e)n so solde
h(er) mir adir myne erben dy eync iar(e) dar nach dvrch fruntschaft vmb nu(n)n huns(er)t schok(e)n alz uor stet geschrebin eige ouch den uo(n) der dame
abe daz gut w(er)de e(r) is dy hus vnd gut in sin hant brechte so solde her is kegin mir also haldin alz h(er) is kegin uo(n) deme uo(n) der dame getan solde
habin ouch sal her mich on myne burgin ledigin kegin heynuse uo(n) gvte binge zcu g(er)me vor achte vnd drisik schok on fumf on czwe(n)zik grosshin ouch
sal h(er) mich ledigin on myne burgin kegin h(er)n p(er)czige burge zcu gvte vor eyn on fumfzik schok on fumfczin gross(e)n zcu myte vastin ouch sal
her mich ledigin on myne burgin kegin h(er)n uo(n) d(er) plone uf ostirn uor sechzik schok ouch sal h(er) m(ir) on myne burgin ledigin kegin czwelf schu
nele(n) in syne virmdin in den vir zehenz(e)t heyligin tagin uor and(er)thalp hundirt schok ouch is gereding(e) daz myn uetter myne lute in
rech syne m(er)k sulin uf haldin ane schat hafte tat is we dene die eyn gast is wemb vnsir beyd(er) gerichte gesessin rechis mute de(n) solde man
helfin vnd in ewe(n) gerichte der beschuldigite man zese in de(n) salde man in ewe(n) de(n) busin nysin ouch sal myn uetter mir gunne(n) zcu buwene an
zcu mach(e)ne uf myme gute waz mir nutz is adir myne erben ane geu(er)de alle dise vor beschrebene rede vnd redink state vnd gantz zcu ane
argelist vnuorbroch(e)n zcu haldin v(er)din Ich glob(e) ich uorgen(an)t(er) Thime der Eltiste uo(n) colditz on myne sone heynrich(e) deme uorgen(an)t(e)n
myme vettern Bvthime vnd syne erben in gutin truwin ane geu(er)de disin e(r)n(e)st mit geczuge vns(er) libin frunde vnde manne Bvr
graue albrecht uo(n) lisnik h(er)n zcu mutsin Em(er)n(e)r(e)n heynrich vnd albrecht h(er)rn zcu lisnik v(er)n(e)r(e)n uo(n) colditz h(er)n zcu wolk(e)nb(er)k
vlrich uo(n) schellinb(er)k gesessin uo(n) zcu burk vnd hensil uo(n) koufungin dy alle ir(e)n Ingesigele mit vnsirn Ingesigelin an disin brif zcu an
kunde habin gehangin der gegebin is zcu colditz uf de(n) b(er)k nach gotis geburte drizen hundirt iar in dem sechczigistin iar(e) an
de(n) nestin mitwochen uor vnsir vrowin tage lichtenwye