Wir Eburhart von gots gnaden Graf zu Wirtenberg Bekennen vnd tůn kunt offenlich mit disem brief allen den
die in sehen od(er) horen lesen Wann der allirdurchluchtigiste furste vnd herre her Karl Romischer keisir zu allen zeiten mer(er)
des Reichs vnd kunig zu Beheim vns von besundern gnaden vnd mit kunigleicher mechte von Beheim sulche genade
getan hat Wer daz sache daz wir vnd Graf Vlrich vnsir Sůn abgiengen an andir eleich leibes mannes erben vnd es auch
zu sulchen schulden queme daz der Edel Graf Vlrich vnsir liebir bruder also v(er)schiede vnd abgienge daz er eleich erben man
nes geslechte hind(er) im nicht lieze Vnd die sechs vesten die von Beheim manlehen seint vf vns vnsir sun Grafen Vlrichen
od(er) vnsir Erben veruallen weren nach sage sulcher richtbriefe die wir gen einandir haben vnd auch sulcher bestetigung die
wir von dem obgenan(ten) vnserin herren hern Karl als einem Romischen keysir dorub(er) habn Daz dann vnsir tocht(er) die wir
yczunt habn dieselben vesten von dem egenan(ten) hern Karl Romischem keisir als einem kunige zu Beheim seinen Erben vnd
nachkomen kunigen zu Beheim dem kunigreich vnd der Croney zu Beheim als von vnsir recht(er) ordenlicher herschaft zu rech
tem manlehen empfahen vnd ouch erben sol vnd mag ob wir Graf Eburhart die egenan(ten) lehen derselben vnsir(er) tocht(er)
also v(er)schriben vnd v(er)machten In sulcher bescheidenheit daz auch wir des hochgebornen fursten hern Johans herzogen zu
Luthringen vnsirs lieben Eydems briefe schaffen vnd gewinnen sullen vnd auch die dem obgenan(ten) vnserm herren hern Karl
Romischem keisir als einem kunig zu Beheim antwurten vnd eyngeben dorinne v(er)schriben sein sol Wer daz sache daz es zu
sulchen schulden queme das er der vorgenant herzog vnsir Eydem von wegen seines weibes vns(er) tocht(er) dieselbn vesten
erben wurde daz er danne alles des pflichtig sei sich v(er)pinde vnd v(er)schreib von der egenan(ten) manschaft fur sich vnd sein erbn
ewiclich des wir vns douon fur vns vnd vnsir erben v(er)punden haben vnd v(er)schriben Es sol auch der egenant herzog
danne vnd sein Erben dieselben briefe snewen zu allen den meynungen vnd worten als sie sten vnd einem itlichen ku
nig zu Beheim der in zeiten ist vnd der Cronen desselbn kunigreichs zu Beheim holt vndirtanig vnd getrewlich war
tend sein Nach laute derselben briefe Vnd die weile vnd so lange wir die lehen vnd die vesten vns(er) tocht(er) des
egenanten herzogen weip nicht v(er)schriben noch vormachten So sein wir nicht pflichtig noch schuldig von dem obge
nanten herzogen vnsim eydem dheinen brief zu gewinnen Wer ab(er) das wir die lehen vnsir tocht(er) also v(er)schriben
vnd v(er)machten daz sol dheine craft noch macht haben wir haben dann den egenan(ten) brief von vnserm Eydem dem
herzogen vor gewunnen vnd in den egenan(ten) vns(er)n herren den kunigen zu Beheim eyngeben vnd geantwurten
Mit vrkund dizz briefes versigelt mit vnserin anhangunden Ingesigel der geben ist zu Nuremb(er)g Nach Cristus
geburt Drewzehenhund(er)t Jar darnach in dem ein vndsechtzigistein Jare an dem nechsten freitag nach sant Nidas
tag des heiligen Byschoues