Wir Dyterich von gotis gnaden Ercebischoff zu meideburg Hinr(ich) von den selbin gnaden gotis Bischof zu lubuz der heiligin Erczbis(tum) vnd kirstan
Bopel Riter Bekennen offenlich in disem briue Wann wir vns durch sunderlich fruntschafft truwe liebe vnd ouch bete willin der hochgeborn
fursten vnd herrn h(errn) ludowiges des Romers vnd Otten sines brud(er) Marg(ra)fen zu b(ra)nd(enburg) vnd lusicz ir(er) lande lute vnd gut wie die genand sind
vnderwunden haben also das sie von diss zit vbir dry jar vns dryen mitt beratunem guten willen volle macht vnd gancz gewalt gegebin
haben vnd ouch das zuden heiligin sweren gesworen vnd gelobit das wir allen iren Rat hoff alle ire Amptlute hantelute vnd gesinde wer
vnd wie die genand sind mit irem Rate seczen vnd entseczen sullen vnd mogen vnd ouch alle and(er) gescheffte vnd handelinge an lehen pfande
Rentten vrboren gulden zinsen nuczen luten gutin vnd ouch kriegen von welchen sachen die herkomen geuallen vnd sien handlen vnd machen
mogen vnd sullen noch vnsir ewen so ez yn aller nuczeft sie vnd sie sullen ouch zu mole nichtes tun noch lazen an eynigin sachen ez geschehe
denne mit vnsir sundlichen Ratz geheisse vnd ouch guten willen als das ouch in iren briuen die sie vns dorub gebin haben lutlich ist
begriffen do gelobin wir yn in guten ewen vnd haben yn ouch dorubir zu den heiligen gesworen das wir dieselbin dry jar noch vnsir
eren vnd ewen alle sachen gescheffte vnd handelinge welchley die sind vnd wie wir die kenen kregin koden handlen vnd machen
in allen iren landen an luten gutin vnd iren zugehorungen vnd ouch sust in allewege noch aller vns(er) macht mit irem Rate keren
machen vnd handlen wollen so wir meyste kunnen vnd mogen in ir bestes vnd als ez vns yn vnd ir herschafft aller nuczlich vnd bequemlich
dunket von on argelist vnd an alles geuerde wer ouch das der Gestreng Ritt(er) Marquard luterpek durch der obgeschribin sachen willin
zu volendin zu vns queme in disse land so sol er in denselbin eyden vnd gelubden als wir die getan haben alle sachen vnd handlunge
noch laute der obgen(anten) vnsir h(err)n briue der Marg(ra)fen mitsampt vns machen schicken vnd enden glichwiz als wir selbir zut vrkunde
ditz briues vorsigelt mit vns(er) obgen(anten) dryer Infigel Gebin zu tang(er)munde Nach cristus geburte dryzenhund(er)t vnd in dem zwey vnd
sechzigstem Jare des nehsten suntages vor sand lucien tage