Wir der Richter der Rat und die gancze gemainlich der Stat ze Gorlicz bey der Lusecz Marggraven bekennen und tun chunt offenlich mit disem brief daz die durchleuchtigen hochgeborn fursten unser gnedig herren her Karl Romischer kaiser ze allen zeiten
merer des Reichs kunig Wenczla von Behaim sein sun und her Johans Marggraf ze Merhern des egenanten kaiser Karls pruder an ainem tail und herzeog Rudolf herczog Albrecht und herczog Lewpolt die pruder herczogen ze Osterreich ze Steyr
und ze Kernden mit sampt der hochgeborn frawen Margreten ir swester weilent Marggrafen ze Brandenburch herczogin ze Bayren und grefin ze Tyrol an dem andern tail umb ir aller furstentum und herschaft die si nu haben oder
hernach gewinnen mochten ainen gemainlichen erbleichen gescheft haben geordent und gemacht haben in solicher beschaidenhait daz wir und waz si in offen briefen die si widerainander darumb geben haben die von uns
ze worte lauten als hernach geschriben stet Wir Karl von gots genaden Romischer kaiser ze allen zeiten merer des Reichs Wir Wenczla auch von gots genaden kunig ze Behaim und Marggraf ze Brandenburch des iergenanten unsern lieben
herren und vater kaiser Karls sun und wir Johans von den selben gots genaden Marggraf ze Merhern des selben unsers herren des kaisers pruder an ainem tail Und wir Rudolf Albrecht und Lewpolt gebruder von gots genaden herczogen
ze Osterreich ze Steyr und ze Kernden herren ze Krain auf der Windischen march und ze Portenaw grafen ze Habspurch ze Kyburg ze Pfirt und ze liebpurch Marggrafen ze Burgaw und lantgrafen in Elsazen und wir Margret von Osterreich
der vorgenanten herczogen swester weilent Marggrafen ze Brandenburch herczogin ze Bayren und grefin ze Tyrol an dem andern tail Verjehen bekennen und tun chunt von baiden tailen offenleich mit disem brief allen den die
in sehent horent oder lesen nu und hinfur ewichleich fur uns all unser erben und nachkomen und geslechte des mansnamen gancz und baidenthalben durchainander von natur und der gepurd wegen des geslechtes sippschaft ze ainander gehoren
in solicher mazze sweder tail under uns gar ab gieng und naisur an erben laibs von im der solt tail dem andern alle seiner land furstentum und herschaft die er als ander ir lehen besicz und von recht in haben sol fur alle ander
leut daz darumb in dem namen als da vor auf baiden tailen nicht gute vorbetrachtung mit rechter vernunft nach rate unser und sunst aller unser fursten romischen kirchen und chnechte burger und lantsazen in allen unsern landen
und stetten die nordenhalb darzu korn mit aller ir ordnung beschaidenhait und chraft lauten werden und gepurden di nach gaistlichen und weltlichen rechten und gewonhaiten und nach manlehen lehenrechten oder freyhaiten
darzu gehoren getan haben recht und redlich solich gemainunge ordnung und gab als hienach beschaiden ist ist ze mercken ob der gescheft da vor got sey daz wir di vorgenanten kaiser Karl von Rom kunig Wenczla von Behaim
und Marggraf Johans von Merhern und unser aller chnabe kint sun und tochter die wir nu haben oder hernach gewinnen abgiengen und waisur an erben laibs von uns ob si selben unser kint laibs von uns abgiengen die auch sun
und an laibs von uns waisur und unser kint also verfur laibs von uns von unsern chinden und chindes chinden komen mochten abgiengen daz dann alle unser abtail furstentum lande und herschaft vesten und stette leute
und guter die wir nu haben oder hernach gewinnen aben und gevallen sullen mit vollem und ganczem rechte auf di vorgenanten herczogen von Osterreich die egenanten Margreten ir swester und auf ir aller aller laibs von uns chind
tochter die in got noch geben mag und auf der selben chind und chindes chind nach dem rechten stamm ewichleich die von iren laiben chomen mugen an all geverde und ze gleicher weis umb wider sprechen und wellen wir
die vorgenanten herczogen in Osterreich und wir die egenant Margret ir swester ob der gescheft daz got wend sein gnad wend daz wir und der durchleuchtig furst her Ludweig kunig ze Ungern unser lieber pruder und di hochgeborn
fraw chunigin Elsbet sein gemahel und die hochgeborn Elsbet weilent herczog Stephans von Ungern seins pruder tochter unser liebe nichte abgiengen und waisur an erben laibs von uns auch ob wir von denselben unsern tail laibs von uns
gevinnen die sun und an laibs von uns waisur und unser kint also verfur laibs von uns die von unsern chinden und chindes chinden chomen mochten abgiengen daz dann alle unser abtail furstentum lande und herschaft vesten
und stette leute und gut di wir die vorgenanten herczogen von Osterreich und Margret unser swester nu haben oder hernach gewinnen aben und gevallen sullen mit vollem und ganczem recht auf die vorgenanten kaiser Karl von Rom
kunig Wenczla von Behaim und Marggrafen Johansen von Merhern und auf ir aller laibs von uns sun und tochter und auf der selben chind und chindes chind nach dem rechten stamm ewichleich die von iren laiben chomen mugen an alle geverde doch
mit solhem underschaid daz auf baiden tailen irs gelaichs lande und leut dem tail di gevallen behalten sullen ewichleich bey allen den rechten freyhaiten gnaden und guten gewonhaiten die si von alter gehabt und herbracht haben in all geverde
Wir haben auch in dem namen als da vor auf baiden tailen wissentlich fur uns selber und fur alle unser erben und chind aben als vor beschaiden ist ewichleich gesworn leiplich aide ze den hailigen mit irn ganczen henden auf daz hailig ewangel
hy und auch gelobt mit unsern trewn und mit den worten unser furstlichen wirdichait daz wir auf swedem tail unser dise vorgeschriben unser gemainunge ordnung und gab mit uns selber noch mit andern leuten weder mit gericht noch
angericht noch mit dhainen andern sachen des rechten oder der gevert nimmer getun sullen noch wellen haimleich noch offenleich und auch niemant gestaten der ir ander tun wolt an alle geverde Wir verzeihen uns auch darumb baidenthalben
in dem namen als da vor ausgucz und funde damit wir in den namen als da vor auf swedem tail hernach ichtes chomen und sprechen mochten daz wir dise gemainunge und gab betwungen wern oder der sweder tail den andern an
rechten und unpillich versuchet hiet oder daz si nicht recht und redleich geschehen wern und wider sagen auch darumb gaistlich und weltlich rechte und weltlicher richter urteil und gerichten sunderlich dem rechten da mit man ver
sprechen und entweren leuten gescheft chunt und wider in ir gever stet und dem rechten daz da spricht gemain verzeihung genucz nicht es gee dann ain gesunderte vor und allen andern gaistlichen und weltlichen geseczen und ungeschriben
gesichten und ungeschichten funden und unfunden rechten freyhaiten hantvesten und gewonhaiten und allen hantvesten und briefen die wir nu haben oder hernach gewinnen mochten damit wir auf baiden tailen oder iemant von unsern wegen wider dise
vorgeschriben unser ordnung gemainunge und gab allain tailen nimmer getun mochten dhainen wegen an all geverde Und wer daz da vor got sey daz wir auf swedem tail unser geseczen und gevert da wider icht geteten oder daz
wir nicht geteten ob unser sweder tail iemals dhain brief gegeben hiet oder hernach dhain ander brief gebe die wider dise vorgeschriben unser ordnung gemainunge und gab in dhainem weg wern di sullen nucz und chraft
haben noch gewinnen wand wir si in solicher gescheft mit disem brief baidenthalben abnemen vernichten toten und undonissen genuczlich und sol allain diser brief und des geleichen vor und nach allen briefen di dise sach rurent in seiner chraft
ganczlich und ewichleich beliben in all geverde und ungeverlich Nu die vorgenanten kaiser Karl von Rom haben auch als ain romischer kaiser baidenthalben mit kaiserlicher macht volkomenhait dise vorgeschriben ordnung gab und gemainunge durch
frides und gemaines gutes willen manig kaiser der fursten des hailigen reichs gaistlicher und weltlicher di da ze male bey uns warn baidenthalben ofter getwungen bewilligt bevestent und bestet recht und redlich von herczen ganczen trewn
vestenen und besteten di auch fur uns und unser nachchomen an dem hailigen reiche ewichleich mit disem brief in aller der mazze als vor beschaiden ist an alle geverde Und ob daz wer daz dhain kaiserliche recht oder gesecz die nu funden und
geschriben sind oder hernach funden und geschriben werden wider dise vorgeschriben unser gemainunge ordnung und gab in dhainem weg chomen oder bey ichten wern die nemen wir ab und undonissen toten und vernichten si in disen sachen
mit unsern kaiserlichen gewalt ganczlich und ewichleich wand wir wellen und mainen in dem namen als da vor daz dise gemainunge ordnung und gab auf baiden tailen ewichleich in ganczer und vester stetichait unzerbrochen belib und behalten
werden in aller der mazze als vor beschaiden ist an all geverde Darumb wir baiden den vorgenanten tailen gepieten wir ernstlich bey unsern hulden allen unsern hofleuten und weltlichen fursten graven freyen dienstleuten lantsazen
leuten und chnechten burgern und lantsazen auf dem land und in den stetten und allen unsern undertanen gemainlich in welichen wesen und wie die genant sind daz si di vorgenanten unser ordnung gemainunge und gab auf solich gescheft
als vor geschriben stet steten und swern an den hailigen stet ze halten und ze volfuren ganczlichen wann es beschaiden chunt an alle widerred und geverde und auch daruber geben irn offen versigelten brief und daruber ze ainem waren
urkunt offen und ewigen urchund aller der vorgeschriben ordnung und sachen haben wir die egenanten kaiser Karl von Rom kunig Wenczla von Behaim und Marggraf Johans von Merhern fur uns und fur alle unser erben und chind aben als
ewichleich als vor beschaiden ist an ainem tail Und wir die egenanten Rudolf Albrecht und Lewpolt gebruder herczogen ze Osterreich und wir die egenant Margret ir swester fur uns und fur alle unser erben und chind aben ewichleich als vor beschaiden
ist an dem andern tail unser insigel gehangen an disen brief der ist geschehen und ist diser brief gegeben ze prunne nach Cristes gepurd dreuczehen hundert jar darnach in dem vier und sechczigistem jar an der hailigen sunwend wochen sand
Bartholomeus tag Unser kaiser Karls reich in dem dreuczehenden des kaisertums in dem newnden jar Und wand die selb ordnung gab und gemainunge mit unserm der vorgenanten gancz der burger gemain ze der stat ze Gorlicz
und gunst geschehen sein darumb haben wir di selben gancz unser insigel sunderlich und wir all gemainlich fur uns und fur alle unser erben und nachchomen ewichleich mit unsern wiczen gelobt und versprochen globen und versprechen
mit unsern trewn und mit unsern gesworn leiplich aiden di wir dar uber getan haben ze den hailigen daz wir di vorgeschriben gemainunge gab und ordnung steten di gehellen und ze schulden chomen als vor beschaiden
ist aufnemen steten furgeben und volfuren schullen und wellen getreulich und ganczlich an alle widerred und geverde ze urchund der sach versigelt mit unserm anhangenden insigel der ist geschehen und ist der brief gegeben
ze Gorlicz bey der Lusecz an sand Ambrosy tag nach Cristes gepurd Tausent dreuhundert Sechczig jar und darnach in dem vierden jar