Wir der Rychter der Rat vnd dy purger gemaynleÿch der Stat ze markch Egeken bekennen vnd tůn kunt offenleÿch mÿt dÿsem brÿef daz dÿ durchleuchtigen hochgeporn fůrsten vnser gnædig herren her karl Ræmÿscher kaÿser ze allen zeÿten
merer des Reÿchs kůnik Wenczla von pæheim seÿn sůn vnd her Johans markgraf ze mæhern des egnanten kaÿser karls pruder an aÿnem vnd herczok Růdolf herczok Albrecht vnd herczok Læupolt dÿ gebrůder herczoge ze æsterreÿch ze steÿr vnd ze kærn
teÿn mit samt der hochgeporn frawen margreten ÿre swester weÿln markgrafin ze Brandenburch herczogin ze paÿrn vnd græfin ze Tÿrol an dem andn taÿl all ÿr lant fůrstentům vnd herschaft dÿ sÿ nů habent oder hernach gewÿnnent paÿdenthalb
aÿnander gemachet geaÿnigt geordent vnd geschaft haben ÿn solher geschicht als das wol belewchtet ÿn offen sÿgelten prÿef dÿ sÿ ÿetweder seÿt aÿnand dar vber geben haben dÿ den wort ze wort lawtent als hernach geschrÿben stet Wir karl von gots
gnaden Ræmÿscher kaÿser ze alln zeÿten merer des Reÿchs Wir Wenczla awch von gots gnaden kůnik ze pæheim vnd markgraf ze Brandenburch des ÿeczgnanten vnsers lÿebn herren vnd vatern kaÿser karls sůn vnd wir Johans von den selbn gots gnaden markgraf
ze mæhern des selben vnsers herren des kaÿsers pruder an aÿnem taÿl vnd wir Růdolf Albrecht vnd Læupolt gebrůder von gots gnaden herczogen ze æsterreÿch ze steÿr vnd ze kærnteÿn hern ze kraÿn auf der wÿndÿschin markch vnd ze portenaw græfin
ze hapspurch ze Tÿrol ze phÿrtt vnd ze kÿburch markgrafin ze purgow vnd lantgræfin ÿn elsæzen vnd wir margret von æsterreÿch der ÿeczgnanten herczogen swester weÿln markgrafin ze Brandenburch herczogin ze paÿrn vnd græfin ze Tÿrol an dem andern
taÿl verjehen bekennen vnd tůn kunt von paÿden taÿln offenleÿch mit dÿsem prÿef alln den dÿ ÿn sehent hærnt oder lesent nů vnd hÿenach ewekleÿch seÿt dem mal daz nach ordnůg vnd gestift des almechtigen gots von paÿdenthalben dÿe eÿnand von na
tur vnd der gepurt wegen des geslæchtes sÿpleÿch zeaÿnander gehærent ÿn solher mæz vnder taÿl vnder vns gar ab gÿng vnd darinn an eÿnch leÿb erben daz dÿ selb taÿl dem andern allr seÿner land fůrstentům vnd herschaft dÿ er also hÿnder ÿm lÿez pÿlleÿch vnd
von recht gůnnen schol vmb all ander lawt daz wir vns ze dem mamen als dÿ der auf paÿden taÿln nach gůter vnbetrachtung mÿt rechter wÿssen nach rat willn vnd gůnst aller vnser fůrsten lanchherren Rÿtter vnd knecht purger vnd lantsæzen ÿn alln vnsern
landen vnd steten dÿ nottůrftig daze warn mit aller der ordnůg bestætichait vnd kraft vnten werten vnd geperden dÿ nach gaÿstleÿchen vnd weltleÿchen Rechten vnd gewonheÿten vnd nach kaÿserleÿ lantsrechten oder freÿhaitn dar zue gehærnt getan
haben macht vnd redleÿch sůlch gemechtnÿsse ordnůg vnd gab als hÿenach beschaÿden ist Daz ÿst ze merken ob das gescheg dÿ der got seÿ daz wir dÿ vorgenant kaÿser karl sůn kůnik Wenczla von pæheim vnd markgraf Johans von mæhern vnd vnser
aller eÿnch kÿnt sůn vnd tæchter dÿ wir nů habn oder hernach gewÿnnen ab gÿngen vnd darinn an eÿnch leÿb erbn daz awch ob dÿ selben vnser kÿnt leÿberbn gewÿnnent dÿ awch tůn ÿnd an leÿb erbn darinn vnd vnsere land also rechter leÿb erben dÿ von vns
vnsern kÿnden vnd kÿndes kÿnden chæmen mæchten erblæs wůrden daz dan all vns erbleÿch fůrstentům land vnd herschaft vesten vnd stæt lewt vnd gůter dÿ wir nů habn oder hernach gewÿnnen erben vnd gevalln schůlln mÿt vollem vnd ganczem rechten
auf dÿ vorgenanten herczogen von æsterreÿch dÿ egnanten margreten ÿr swest vnd auf ÿr aller leÿb erbn sůn vnd tæchter dÿ sÿ ÿecz noch geben mag vnd auf der selbn kÿnd vnd kÿndes kÿnd nach dem rechten stam ewekleÿch dÿ von ÿrn leÿben chæmen můgen an all
geverd vnd ze gleÿcher weÿz hÿn wÿder sprechen vnd welln wir dÿ vorgenanten herczogen von æsterreÿch vnd wir dÿ egnant margret ÿr swester ob das geschech dÿ der got awch seÿn gnad wend daz wir vnd der durch lewchtig fůrst her Růdweÿk kůnik ze
vngern vnser lÿeber gebrůder vnd dÿ hoch geporn fraw chůnigin elÿsabeth seÿn můter vnd dÿ hochgeporn elÿsabeth weÿln herczok stæffans von vngern seÿns gebrůder tæchter vnser lÿebe swester ab gÿengin vnd darinn an eÿnch leÿb erbn vnd awch ob
wir auf dÿm selben vnsern taÿl leÿb erben gewÿnnen dÿ dar ÿnd an leÿb erbn darinn vnd vnsere land also rechter leÿb erbn dÿ von vns vnsern kÿnden vnd kÿndes kÿnden chæmen mæchten erblæs wůrden daz dan all vnsere erbleÿche fůrstentům land vnd
herschaft vesten vnd stæt lewt vnd gůter dÿ wir dÿ vorgenanten herczogen von æsterreÿch vnd margret vnser swester nů haben oder hernach gewÿnnen erben vnd gevalln schůlln mÿt vollem vnd mit ganczem recht auf dÿ vorgenanten kaÿser karln sůn
dem kůnik Wenczla von pæheim vnd markgrafn Johansen von mæhern vnd auf ÿr aller leÿb erben sůn vnd tæchter vnd auf der selben kÿnd vnd kÿndes kÿnd nach dem rechten stam ewekleÿch dÿ von ÿren leÿbn chæmen můgen an all geverde Doch mit
solchem vnderschaÿt daz auf paÿden taÿln vnser ÿetleÿcher land vnd lewt sůnderleÿch ÿrem halt dÿ gewaltn bleÿben sůllen ewekleÿch beÿ alln den rechten freÿheÿten gnadn vnd gůten gewonhaÿten dÿ sÿ von alter gehabe vnd herpracht habent an alle ge
verde Wir haben awch ÿn dem namen als dÿ der auf paÿden taÿln wÿsentleÿch wir vns selber vnd fůr alle vnser erben vnd erbes erbn als der beschaÿden ist ewekleÿch gesworn leÿpleÿch aÿden ÿn den haÿligen mit aufgerakten handn auf daz haÿlig ewangeliÿ
vnd awch gelopt mÿt vnsern trewen vnd mÿt den worten vnser fůrstleÿchen wirdichait daz wir auf dÿe eÿnch taÿl vnder dÿsen vngeschriben vnser gemechtnÿsse ordnůg vnd gab nůt vnd selbs nach nůt andern lewten weder mit gericht nach an
gericht noch mÿt kaÿnen andern sachen des rechten oder der gnat nÿmer getůn sůllen noch wellen haÿmleÿch noch offenleÿch vnd awch nÿmant gehellen der dÿ vnder tůn wold an alle geverde Wir verjehen vns awch der sůn paÿdenthalben ÿn dem
namen als dÿ der sůlcher aÿd gůt vnd fůnd dÿ mit wir ÿn dem namen als dÿ der auf dÿe eÿnch taÿl hernach chæmen vnd sprechen mæchten daz an dÿser gemechtnÿsse vnd gab betwůngn wern oder daz dÿe eÿnch taÿl den andern vnredleÿch vnd vnpÿlleÿch dar
hinder pracht hÿet oder daz sÿ nicht recht vnd redleÿch geschehn wær vnd vnder sagen awch dÿ sůn hÿlf vnd rat aller gaÿstleÿcher vnd weltleÿcher Richter rechten vnd gerichten sůnderleÿch dem tæschen dÿ mit man sůrten vnd entwedern lewten ze helf
chæmt vnd vnder ÿn ÿr gewer geseczt vnd dem rechten daz dÿ sůchet gemaÿn pæpitleÿch lantsæz nicht ÿst ze den eÿn gesůndert wær vnd alln andern gaÿstleÿchen vnd weltleÿchen geschriben vnd vngeschribn geseczen vnd vngeseczen fůnden vnd vnfůnden rech
ten freÿheÿten lantsrechten vnd gewonheÿten vnd alln handvesten vnd prÿefen dÿ wir nů haben oder hernach gewÿnnen mæchten dÿ mit wir auf paÿden taÿln oder ÿman von vnsern wegen wider dÿse vngeschriben vns ordnůg gemechtnÿsse vnd gab
alhelaÿch oder beÿ taÿln ÿmermer getůn mæchten ÿn kaÿnen wegen ÿn alle geverd vnd wer dÿ der got seÿ daz eÿn auf dÿe eÿnch taÿl vns selbs chæmen vnd ÿmer dÿ wider icht getæten oder dÿ nůt nicht getæten ob vns dÿe eÿnch taÿl darumb
kaÿn prÿef gegeben hÿet oder her nach beÿn ander prÿef gæb dÿ wider dÿse vorgeschriben vnser ordnůg gemechtnÿsse vnd gab ÿn kaÿnem weg wern dÿ schůllen gancz tætt vnd ab seÿn vnd kaÿn chraft habn noch gewÿnnen dann wir sÿ ÿn sůlher
geschicht mÿt dÿsem prÿef wÿssentleÿch ab nemen vernichten tætn vnd vnder wÿsen gænzleÿch vnd sůl alleÿn dÿser prÿef vnd daz gelůbten ÿn vnd nach alln andern prÿeuen dÿ dÿse sach růrent ÿn seÿner chraft gænzleÿch vnd ewekleÿch bleÿben an
all geverd vnd nůt lÿst Wir der egnant kaÿser karl von Ræm haben awch als eÿn Ræmÿscher kaÿser wÿssentleÿch mÿt kaÿserleÿcher macht volkomenhaÿt dÿse vorgeschribn ordnůg gab vnd gemechtnÿsse durch frÿdes vnd gemaÿnes gůtes willen
nach rat der fůrsten des haÿligen Rÿchs gaÿstleÿcher vnd weltleÿcher dÿ dÿ zemal pæÿ vns warn paÿden taÿln chůnget gegůnnen beweret bestætet vnd bestætet recht vnd redleÿch vorhangen gůnnen bewaern bestætn vnd bestætn sÿ awch fůr vns
vnd vnser nach chæmen an dem haÿligen rÿch ewekleÿch mÿt dÿsem prÿef ÿn alle der mæz als dÿ beschaÿden ist vnd ob daz wær daz kaÿn kaÿserleÿch recht oder gesecz dÿe nů fůnden vnd geschriben sÿnt oder hernach fůnden vnd geschriben werdent
wÿder dÿse vorgeschriben vns gemechtnÿsse ordnůg vnd gab ÿn kaÿnem weg allhelaÿch oder beÿ taÿln wern dÿ nemen wir ab vnd tæyden tæten vnd vernichten sÿ ÿn dÿsen sachen mÿt vnsern kaÿserleÿchen gewalt gænzleÿch vnd ewekleÿch
wand wir wellen vnd maÿnen ÿn dem namen als dÿ der daz dÿse gemechtnÿsse ordnůg vnd gab auf paÿden taÿln ewekleÿch ÿn ganczer vnd vester stætikaÿt vnzerbrochen bleÿben vnd behalten wer dÿ ÿn all der mæz als dÿ beschaÿden ist an alle geverde
Der sůn von paÿden der vorgenanten taÿln gepæten wir wÿsentleÿch graÿ vnsern hulden alln vnser gaÿstleÿchen vnd weltleÿchen fůrsten prelaten græuen freÿn dÿnstherren lanchherren Rÿttern vnd knechten půmgen vnd lantsæzen auf dem land
vnd ÿn den steten vnd alln vnser vndertanen gemaÿnleÿch ÿn wælhem wesen vnd wÿ dÿ gnant sÿnt daz sÿ dÿ vorgenanten vnser ordnůg gemechtnÿsse vnd gab auf sůlch geschicht als dÿ geschribn stet glůbn vnd swern ÿn den haÿligen stæt ze
haben vnd ze volfůrn gænzleÿch wær dÿ ze schůldn chæmt an alle wider red vnd geverd vnd awch der sůn geben ÿr offen sÿgelten prÿef vnd dar vber ze eÿnem warn vesten offen vnd ewigen vrkůnd aller der vorgeschriben ordnůg vnd
sachen haben wir dÿ egnanten kaÿser karl von Ræm kůnik Wenczla von pæheim vnd markgraf Johans von mæhern fůr vns vnd fůr all vnser erbn vnd erbes erbn ewekleÿch als dÿ beschaÿden ist an aÿnem taÿl vnd wir dÿ egnanten
Růdolf Albrecht vnd Læupolt gebrůder herczogen ze æsterreÿch vnd wir dÿ egnant margret ÿr swest fůr vns vnd fůr all vnser erbn vnd erbes erbn ewekleÿch als dÿ geschribn stet an dem andern taÿl vnsern ÿnsÿgel gehenkt
an dÿsen prÿef Der ÿst geben vnd ÿst dÿser prÿef geben ze průnn nach Cristi gepurt dreÿczehenhůndert ÿar dar nach ÿn dem vÿer vnd sechczigisten ÿar an der haÿligen pætenawen sůnd pælasÿa tag vnser kaÿser karls reÿch
ÿn dem achczehenten vnd des kaÿsertůms ÿn dem newnten ÿar Vnd wand dÿ selb ordnůg gab vnd gemechtnÿsse mÿt vnsern der vorgenanten purgern ze markch rat willn vnd gůnst geschehen seÿn der sůn habn dÿ selbn gůnst vns ÿgleÿch
sůnderleÿch vnd wir all gemaÿnleÿch fůr vns vnd fůr all vnser erben vnd nachchæmen ewekleÿch mÿt rechter wÿssent gelopt vnd verhaÿsen geloben vnd verhaÿsen mÿt vnser trewen vnd mÿt vnser gesworn leÿpleÿchen aÿden dÿ wir dar vber
getan habn ze den haÿligen daz wir dÿ vorgeschriben gemechtnÿsse gab vnd ordnůg swen dÿ gevallent vnd ze schůldn chæment als dÿ beschaÿden ist auf maÿnen halten stæt habn vnd volfůrn schůllen vnd welln getrewleÿch vnd gænzleÿch
an all wÿder red vnd geverd mÿt vrkůnd dÿz prÿefs versÿgelten mÿt vnsern anhangenden ÿnsÿgel Daz ÿst geschehen vnd ist der prÿef gegeben ze markch an sand ambrosÿ tag nach Cristi gepurt Tawsent dreÿhůndert sÿebent
garcz vnd dar nach ÿn dem vÿerden ÿar