Wir Karl von gots gnaden Romischer keiser zu allen zeiten merer des Reichs vnd ku
nig zu Beheim Bekennen vnd tun kunt offenlich mit disem briue Allen den die yn
sehen oder horen lesen Daz der edel Tymo von Coldicz vnser kamermeister vnd
lieber getrwer alle die gelt vnd pfenninge welicherley die weren oder wannen sie ko
men weren beide in dem Reiche vnd in dem kunigreiche zu Beheim die er von vn
sern wegen von Mitwasten die nehst vorgangen ist bis vff den donerstag fur Aller
heyligen tag der ouch nu nehst vorgangen ist empfangen vnd yngenomen hat vns
rechtlich vnd redelich vorrechent vorrichtet vnd bezalet hat vnd dorumb so sagen
wir In derselben gelte vnd pfenninge von vns(er) wegen vnd vnser erben kunige zu
Beheim mit rechter wizzen queit ledig vnd los Mit vrkunde diz briefes vorsigelt mit
vnser keiserlichn Maiestat Jnsigel Geben zu Brunne Nach Cristus geburte dreu
zehnhundert dornoch in dem funff vnd sechzigsten Jare des nehsten Suntags vor
sand Merteins tag vnser reiche in dem czwenczigsten vnd des keisertums in dem
eylften Jare :-

p(er) d(omi)n(u)m m(a)g(ist)r(u)m cur(ie)