Wir Frider(ich) von got(es) gnaden Burgg(ra)fe zu Nu(re)mberg bekennen vnd tu(e)n kunt offen
lich mit disem brife alln den die in sehen horen oder lesen daz wir mit wolbedachtem mu(e)te
rate vnser freunde vnd mit rehter wizzen den allerdurchleuchtigesten fursten vnd h(er)ren h(er)rn
Karl von got(es) gnad(e)n Romischen keyser zu alln zeiten mer(er) des R(e)ichs vnd kunig zu
Beheim vns(er)n libn gnedigen h(er)ren ledig vnd los sagen aller gelubde eyde vnd g(e)nu(e)misse
die er vns getan hat von der freuntschaft wegen des hochgeborn Wenczlaus kungs zu
Beheim seins suns vnd vnser tochter Elizabeten vnd gelobn ym in guten trewen an geu(er)de
daz wir yn dar vmb nymmermer ansprechen noch manen welln noch sulln in dheinweis
Mit vrkunde dicz brifes versigelt mit vns(er)m anhangenden Insigel der gebn ist zu prage
Nach got(es) gepurt dreuczenhund(er)t Iar im funf vnd sechczigesten Iare an dem heiligen
Cristabent