Urbanus ep(iscopu)s seruus seruor(um) dei Uenerabili fratri Johanni Archiep(iscop)o Pragen(si) in Prouincia Pragen(si) ac in Bambergen(si) Ra
tisponen(si) et Misnen(si) Ciuitatibus et dioc(esibus) apl(ic)e sedis legato Sal(u)t(em) et apl(ic)am ben(edictionem). Cum nuper ex certis causis ad id nos mouentibus Ciuitatem et dioc(esim) Ratisponen(sem)
ab omni iurisdic(t)ione dominio et potestate que Archiep(iscop)o Salzeburgen(si) qui est et pro tempore et qui in p(ro)uincia Salzeburgen(si) de qua dicte Ciuitas et
dioc(esis) Ratisponen(sis) existunt apl(ic)e sedis legatus fore dicitur in ip(s)is Ciuitate et dioc(esi) Ratisponen(si) iure seu uigore legationis habebat seu sibi quomodocumq(ue)
et qualitercumq(ue) competebant uel competere poterant et ab ip(s)a legacione dumtaxat ex certa sciencia et de apl(ic)e potestatis plenitudine de fratrum n(ost)ror(um) consilio
eximendas duxerimus et plenarie liberandas ac te et successores tuos Archiep(iscop)os Pragen(ses) qui erunt pro tempore in tua Pragen(si) Prouincia ac in Ratisponen(si)
predictis et in Bambergen(si) cuius diocesan(i) et eccl(i)a Bambergen(sis) Roman(e) eccl(i)e sunt immediate subiecti ac in Misnen(si) que de Prouincia Magdeb(ur)gen(si)
existunt Ciuitatibus et dioc(esibus) perpetuos apl(ic)e sedis legatos comisso tibi et eis ibidem legacionis officio constituendos duxerimus et creandos prout in n(ost)ris
litteris inde confectis plenius continetur. Nos uolentes te et ip(s)os successores tuos ac Pragen(sem) eccl(i)am amplius honorare tibi et eisdem successoribus ut liceat tibi
et eis in predictis Bambergen(si) Ratisponen(si) et Misnen(si) Ciuitatibus et dioc(esibus) eciam si Salzeburgen(sis) in Ratisponen(si) et Magdeb(ur)gen(sis) Archiep(iscop)i qui erunt pro
tempore in Misnen(si) Ciuitatibus et dioc(esibus) predictis presentes existant Palleo de corpore beati Petri sumpto insigni uidelicet Pontificalis officij tibi
tuo et eccl(i)e tue Pragen(sis) nomine tradito diebus in priuilegijs eidem eccl(i)e tue concessis expressis uti necnon crucem ante te deferri facere et
benedictionem eciam solennem clero et populo in eccl(i)js et alijs locis quibuslibet decentibus et honestis impendere quibuscunq(ue) Constitucionibus apl(ic)is
necnon priuilegijs gracijs et litteris prefatis Salzeburgen(si) et Magdeb(ur)gen(si) Archiep(iscop)is uel eor(um) alteri seu quibusuis alijs ab apl(ic)a sede sub quacunq(ue) uerbor(um) forma concessis
eciam si talia forent de quibus quor(um)q(ue) totis tenoribus de uerbo ad uerbum specialis et expressa mencio in n(ost)ris litteris sit habenda auct(ori)tate apl(ic)a ex certa sciencia
et de apl(ic)e potestatis plenitudine tenore presencium indulgemus. Nulli ergo omnino hominum liceat hanc paginam n(ost)re concessionis infringere uel ei ausu temerario
contraire. Siquis autem hoc attemptare presumpserit indignacionem omnipotentis dei et beator(um) Petri et Pauli apl(ost)or(um) eius se nouerit incursurum.
Dat(um) Auinion(e) iij k(a)l(endas) Junij Pontificatus n(ost)ri Anno Tercio.