P(ius) ep(iscopu)s s(er)uus s(er)uor(um) d(e)i Dilecto filio Johanni de Colaurad Salt(em) et ap(ostoli)cam b(e)n(edictionem) Ve
nerunt ad nos Oratores Carissimi in xp(ist)o filij n(ost)ri Georgij Bohemie Regis Illustris / et instanter ipsius Regis nomine apud nos egerunt
supplicantes ut in uim compactator(um) p(ro)mitteremus comunionem sub utraq(ue) sp(eci)e Nos habita cum Venerabilibus fratribus n(ost)ris sancte Roman(e) eccl(esi)e
Cardinalibus diligenti super hijs examinatione et plena discussione uisum est non posse cum dei et n(ost)ro ac sedis aplice honore Regias petitiones in ea
parte exaudire nec id ad quietem illius Regni et alior(um) cederet / ac ea que tanq(u)am compactata per nos confirmari petebant nullam uim habere / et ita
de eor(un)dem fratru(m) n(ost)ror(um) consilio / et matura deliberatione in publico Consistorio respondimus et declarauimus Quapropter hortamur in domino deuo
tionem tuam ut te prout hactenus uiriliter fecisti in obseruantia et ritu sancte matris eccl(esi)e Roman(e) conserues / et alios ut se eisdem ritui et obseruantie
conforment omni studio inducere procures / quod nobis qui unionem xp(ist)ifideliu(m) et salutem animar(um) precipue desideramus gratissimum erit et tibi alijs(que)
ad honorem apud homines et apud deum ad meritum / et animar(um) saluationem cedet Mittimus autem ob hanc causam dilectum filium Fantinum de Valle
Nuntium n(ost)r(u)m presentium exhibitorem / cui nonnulla commisimus n(ost)ro nomine deuotioni tue referenda super quibus plenam fidem sibi adhibeas
Dat(um) Rome apud Sanctumpetrum Anno Incarnationis dominice Millesimoquadringentesimosexagesimosecundo Quinto Id(us) Aprilis
Pontificatus n(ost)ri Anno Quarto