Wir karl von gotes gnaden Romischer keiser. zu allen zeiten merer des Reichs vnd künig zu beheim. Bekennen vnd tun kunt offenlich
mit disem brife allen den die in sehent oder horent lesen daz von wegen der geistlichen der Aptissinn vnd des Conuents der Nunnen
sant Claren ordens zu Eger bete an vns komen ist. daz wir in vnd irem Closter einen briff seliger gedechtnisse etwenn hern Albrechts
Romischs künigs vnd auch die gnaden die er in vnd dem Closter getan hat zu bestetigen gnediclichen geruchten der zu latein von worte
zu worte lutet als hernach geschriben stet Albertus dei gracia Romanor(um) Rex semper Augustus Vniuersis sacri Romani Imperij
fidelibus presentes literas inspecturis graciam suam (et) omne bonum. Diuina tunc illic beneficia collocantur vbi a datore graciarum om
nium expectatur eterni boni infallibilis recompensa Nos tanti patris ineffabilem bonitatem benignius intuentes Dilectis in (Christ)o. Gar
diano (et) fratribus minoribus Necnon Abbatisse et conuentui dominarum Sancte clare in Egra quos (et) quas propter celibis uite sue
flagranciam. necnon karitatis affectu prosequimur intuitu retribucionis eterne hanc graciam duximus faciendam quod de nos
tris (et) imp(er)ij nemoribus sibi vicinis ligna ipsis necessaria sine contradiccione cuiuslibet scindere recipere possint (et) educere suis edificijs
et cottidianis ignibus applicanda Vniuersis forestarijs siue custodibus nemorum predictorum ac Judicibus nostris firmiter inhibentes
ne f(rat)res siue dominas predictos aut eor(um) nuncios in educcione lignor(um) huiusmodi impediant. nec aliquid racione thelonei uel cui(us)
cumq(ue) Juris alterius requirant uel exigant ab eisdem In cuius rei testimonium presentes litteras scribi (et) nostre maiestatis Sigillo
iussimus communiri Datum in egra (quarto) k(a)l(e)nd(as) octobr(is). Anno d(omi)ni m(illesim)o. cc(entesim)o. xc(entesim)o. vi(to). Regni vero n(ost)ri Anno nono. Des haben wir durch
sunderlich andacht der egenanten Nunnen vnd auch durch sunderliche gunst vnd gnaden die wir zu in haben in iren nach
komen vnd dem Closter den selben briffe vnd die gnaden die dar ynne geschriben stet mit wolbedachtem mute. mit rechtem
wissen vnd keiserlicher mechte volkomenheit in allen seinen meinung(en) synnen puncten vnd artikeln bestetigt beuestent vnd
confirmirt bestetigen beuesten vnd confirmiren mit crafft ditzs brifes Also vornemelich daz sie in vnsern vnd des Reichs
forsten die in aller nehst gelegen sein brenneholz vnd zimmerholz hawen mugen lassen vnd auffuren so vil als si des bedür
fen von vns vnsern nachkomen an dem reiche vnd allen vnsern Amptleuten vngehindert Sunderlich von keiserlicher
miltikeit. tun wir in die gnade daz sy nymant in kainen zeitten wer der wer an den gutern di si zu dem Closter besessen vnd
gehabt haben vnd die sie bis her bracht haben furbaz mer an der recht hindern ansprechen oder irren schulle in chainer weis
vnd sie schullen vnd mugen die selben ire vnd des Closters guter bessern vnd in vnd dem Closter nuze machen wie in das
aller fügleichst ist doch vns vnd dem Reiche vnd auch der Stat zu Eger ane schaden Vnd dar vmb gebieten wir vnserm
hauptman vnd pfleger vnd den Burgern gemeinlichen der Stat zu eger die nu sein oder in zukunfft werden ernstlich vnd
festichlich bei vnsern vnd des Reichs hulden daz sie dieselben Closter Nunnen vnd das Closter an den selben gnaden die beidt
in dem obgeschriben brife begriffen sein vnd auch die wir in getan haben nicht hindern noch irren schullen noch hindern lasse
in chainer weis Sunder sie da by von vnsern vnd des Reichs wegen getrewlichen hanthabe schuzzen vnd schirmen ~wie~
~offte sie des bedürffen vnd an sie gesunnen werden von den selben nunnen~ ~mit~ ~vrkundt~ ditzs brifes versigelt
mit vnserm keiserlichen maiestat Jngsigel der geben ist zu aiena nach Cristus geburte drewzehenhundert Jar darnach
in dem zwayvndsibenzigistem Jare des nehsten freitags nach gotes lichnam tage. vnser Reiche in dem Sechsundzwen
zigsten vnd des keistumbs in dem achzehenden Jare