Wir Wenczlaw von gotes gnaden Romischer kunig zu allen czeiten merer des Reichs vnd kunig zu Beheim Beken
nen vnd tun kunt offenlich mit disem briue allen den die jn sehen ader horen lesen das wir vmb dinst vnd trewe
willen die vns Endel Steynbach der junge vnser liber getrewer oft vnd dicke willichlichen vnd nutzlichen getan
hat teglichen tut vnd furbas tun sal vnd mag in kunftigen czeiten jm mit wolbedachtem mute gutem Rate vnd
rechter wissen alle vnsere recht die wir haben an allen vnd yglichen lehen die zu dem Schosrewt in den lan
den zum Ellenbogen vnd zu Eger gelegen von alders gehort haben vnd von vns vnd der Cronen zu Behe
zulehen zuwen gnedichlichen gegeben vnd jm dieselben lehen mit allen jren nuczen geniessen vnd angehorun
gen nichtes ausgenomen als verre wir das getun mogen zu rechtem Manlehen gelihen vnd gereichet
haben leihen vnd reichen jm die von kuniglicher machte zu Beheim in craft dicz briues Also das er vnd
sine rechte lehenserben die egenanten lehen mit allen obgenanten angehorungen furbasmer von vns
vnd der Cronen zu Beheim zu rechtem manlehen haben halden besiczen vnd der geniessen vnd gebrau
chen sullen vnd mogen in aller der massen vnd rechten als die vormals besessen sint von allermenniglich
vngehindert vnchedlich doch vns vnd der Cronen zu Beheim an vnsern dinsten vnd sust yderman an
sinen rechten an vrkunt dicz briues besigelt mit vnser kuniglichen Maiestat jngesigel Geben zun
Betlern Noch Cristes geburte Dreuczehenhundert jar vnd darnach in den Newnden vnd Newnczigisten
jaren des donerstages vor Allerheiligen tage vnserer Reiche des Behmischen in den Sibenunddreis
gisten vnd des Romischen in den Sibenundzwenczigisten jaren

Ad r(e)l(ati)on(em) Er(e)h(ar)di G(u)b(er)n(atoris)
Wenceslaus can(oni)c(us) pragen(sis)