Ich Johannes gnant Hawelcz von Swamberg gesess(e)n zum Trebl Bekenne vnd tve kund vor aller
meniklich als der aller durchleuchtigiste furste vnd herre her Wenczlaw Romischer k(unig) vnd kunig zu
Behm meyn gnedig(er) her nach Außweisung(e) kuniglicher maiestat den ich von seynnen gnaden hab
be(n) mir vnd meyn erben Sechczig schok grosse prager muncz yehrlicher gulte auf sant Marteyns tage
schirst komende auf zu heben auf dem kloster zu Chotyschaw v(er)schafft vnd v(er)schriben hat vnd der
Erbwirdige her Hynko probst vnd seyn conuent zu Chotyschaw sich als mit yrem briffe sunderliche
mir vnd meyn erben v(er)punden vnd v(er)schribn habn auf sant Marteyns tage zu beczalen Nu hat
mir der obngenant her Hynko vnd seyn conuent dye sechczig schok grossen an sant Marteyns
tage nach lawt yres briues mit gereiten gelt aufgericht vnd bezalt vnd das gelt an meynen
stat dye erbergen Wenczlaw fengl guldin vnd Wenczlaw purger zu Tachaw aufgehebt haben
vnd eyn genomen mit meynnen willen vnd wissen darumb ich egena(n)t Johannes Hawelcz vnd meyn
erben den egena(n)t hern Hynko probst vnd seynnen conuent zu Chotyschaw der selben sechczig schok
grossen sag ich sye qwiet ledig vnd loss in krafft dicz briffes Des zu vrkund hab ich meyn Infigl
zu disem briff gehangen des seind geczeug der edle her Henczl von Elstberg vnd dye erben
Wenczlaw fengl guldin vnd Wenczlaw purg(er) zu Tachaw mit yren anhangenden Infigeln zu disem
briff der gebn ist nach cristi gepurt virczehenhundert Iar dar nach in dem sibenczehenten
Iar an sant gallen tage :f