In nomine domini amen. Quoniam omnia que sub statu corruptibili geruntur more fluentis aque decurrunt. Decrevit idcirco virorum sapientum sagacitas ut gesta hominum scripturarum debeant litteris
notabilibus et sigillis. Nos igitur Michael donati judex Leo de Bacz magisterium civium Pesco dictus Boemich Johannes Geytmerij Heinricus dictus Hofmaister Bertholdus dictus Ebler
Friczko institor Fridlinus aurifaber Cunczo Gothardi Jurszko brasiator Bohunko Loderij Odenko cunnulatorum. Cives Jurati Nove civitatis sub castro pragensi. Ad universorum noticiam
tenore presencium publice protestantes volumus pervenire. Quod discretus vir Ambrosius Gemissum domini nostri domini Karoli Romanorum Imperatoris et Boemie Regis Notularius non per aliquem
coactus nec inductus sed pocius de bona et propria voluntate ac animo deliberato necnon de consilio et pleno consensu omnium heredum et amicorum suorum de super habito Curiam suam
sitam in minori villa de Cossyrz cum una aratura agrorum cultis et incultis videlicet pratis ortis pomerijs silvulis rubis silvis virgultis montibus planis vallibus pascuis
aquis aquarumque decursibus et cum omnibus in eis juribus et pertinencijs ipsorum universis circumquaque cinctis et generaliter cum omnibus rebus et bonis mobilibus et immobilibus
jumentis pecoribus et pecudibus equis curribus vaccis vitulis ovibus porcis agnis anseribus omnibus anatibus pullis et columbis et alijs quibuscunque rebus quibus
utilitatibus sive alijs omnibus quibuscunque specialibus designentur vocabulis ad ipsam curiam spectantibus Coram nobis inter quatuor scampna judiciaria dum judicio presideremus con=
testato pro Sexagintaquatuor sexagenis grossorum denariorum pragensium rite ac racionabiliter sub titulo iuste vendicionis dedit vendidit atque in perpetuum tradidit honorabilibus et religiosis viris
Abbati et Conventui Monasterij in plas cysterciensis ordinis pragensi dyocesis et eorum successoribus tenendam habendam possidendam et jure hereditario in perpetuum utendam eciam sub omni eo jure
quo ipse Ambrosius dictam curiam cum ipsius utilitatibus et pertinencijs predictis tenebat et habebat possidendam et deinceps vendendam alienandam donandam legandam prout
dictis et obligandam ac in usus quoslibet placidos extendendam. Quas quidem Sexagintaquatuor sexagenas prenotatas idem venditor coram nobis in eodem judicio a memoratis
Abbate et Conventu dei Monasterij recepit integraliter et extoto. Qua solucione facta idem venditor dictam curiam et araturam agrorum cum omnibus et singulis pertinencijs
ipsorum ut prefertur prefatis Abbati et conventui eorumque successoribus secundum omne jus et consuetudinem civitatis nostre resignavit promittens in eodem prefatus venditor pro se suisque
heredibus ac amicis sepefatis Abbati et conventui eorumque successoribus questionem litem seu controversiam super predicta curia et aratura agrorum ac omnibus juribus et pertinencijs
ipsorum universis de presenti ullo unquam tempore non movere nec alicui inferenti consentire sed ipsam curiam et araturam agrorum cum eorum singulis pertinencijs predictis prefatis
Abbati et conventui eorumque successoribus ab omni hominum impeticione et universitate legittime defensare ac eciam disbrigare secundum quod jus nostre civitatis postulat et requirit
Hoc super addito quod prefati abbas seu conventus ac eorum successores qui predictam curiam in sua tenuerint et habuerint potestate debebunt et habebunt solvere in quolibet festo
sancti Galli octuaginta grossos cum duobus pullis et in festo quolibet sancti Georgij octuaginta grossos cum tribus pullis nomine veri census singulis annis circumvolventibus
censuare et alia quevis jura que dicta villa habet et requirit tenere et adimplere debebunt racione qualibet postmota. Insuper promisit sepedictus venditor dictam ven=
dicionem seu curie predicte et arature ac omnium pertinenciarum ipsorum ut premittitur tradicionem et omnia et singula suprascripta et infrascripta firma rata et grata tenere sive
et inviolabiliter ac irrefragabiliter observare et non contrafacere vel venire per seipsum vel per aliquos alios aliqua racione causa vel ingenio de jure vel de facto in
judicio vel extra. Renuncians eciam super premissis omnibus et singulis idem venditor pro se et suis heredibus ac amicis omni juri tam canonico quam civili vel
quovis alio jure quod ipsi suisque heredibus et amicis in posterum pro predicta curia et aratura agrorum cum omnibus juribus rebus et utilitatibus ac pertinencijs ipsorum universis
ut prefertur repetendi aut adquirendi quocunque modo competere posset vel suffragari. Super hec omnia expressum est eciam quod si que littere vel alia munimenta super
prefatam curiam et araturam agrorum ac ipsorum pertinencias sepedictas in posterum apparent quod nullius firmitatis et roboris existant prout ex nunc et ex tunc prout ex
tunc et in posterum in perpetuum esse debent vel momenti sed penitus cassate irrite et totaliter adnichilate. In quorum omnium testimonium et robur in perpetuum ad peti=
cionem et instanciam parcium predictarum videlicet vendentis et ementis presentes litteras scribi et sigillo majori nostre civitatis supradicte de certa nostra sciencia fecimus
communiri. Datum prage in nostra sepedicta civitate proxima feria secunda post festum assumpcionis sancte Marie virginis gloriose. Anno filij dei Millesimo
Trecentesimo Sexagesimo primo.