Wladislaus dei gracia Boemie Rex Marchio Morauie Lucemburgen(sis) et Slesie Dux ac Lusacie Marchio (et)c(etera) Notum
facimus tenore p(rese)ncium vniuersis Maiestati nostre humiliter fuisse supplicatum nomine Religiosorum Ade Abbatis et sui Conuentus Monasterii
plassen(sis) Ordinis Cistercien(sis) Pragen(sis) Dioc(esis) Deuotorum nostrorum dilectorum p(ro)ut de Regie benignitatis clemencia approbare ratificare et nostro consensu
Regio roborare et firmare graciosius dignaremur redempcionem certarum possessionum ad eorum Monasterium pertinencium videlicet medietatem
Opidi Kralowicz et villas Hubenow Brodeslady Wssehrdy Vgezd et certam partem ville potworow cum omnibus Juribus et pertinenciis eorun
dem Que quidem bona ab Honorabili Hanussio de Kolowrat preposito et Administratore Pragen(si) Ecclesie Deuoto nostro dilecto quesitis mutuo ab
amicis pecuniis Suma Octingentarum Sexagenarum grossorum latorum Pragen(sis) Monete redimerint et recuperauerint pecunia eidem plenarie
numerata certis circa hec adiectis condicionibus que in litteris eiusmodi redempcionis per partes hincinde confectis atq(ue) sibi alterutrum traditis et do
natis plene et sufficienter continentur Nos comoditatibus sacrarum edium proni precibus dictorum Abbatis et Conuentus fauorabiliter duximus
annuendum Animo itaq(ue) deliberato sano fidelium nostrorum accedente consilio decerta nostra sciencia Autoritate Regia dictam bonorum redempcionem
vtilem et compendiosam eidem cognoscentes esse Monasterio ratam et gratam habentes eam vigore p(rese)ncium approbamus ratificamus et nostro con
sensus robore validamus atq(ue) firmamus volentes et decernentes vt dicta parcium instrumenta super contractu ipsius redempcionis confecta in
omnibus suis punctis articulis clausulis et sentenciis robur inconcussum obtineat firmitatis ac si eorum tenores p(rese)ntibus nostris litteris de verbo ad
verbum inscripti et inserti existerent Concedimus preterea atq(ue) largimur ip(s)is Abbati et Conuentui licenciam et facultatem plenamq(ue) Auto
ritatem et potestatem pro recuperacione et restitucione pecunie mutuo vt premissum est accepte nec in alios quoslibet vsus aliquatenus conuer
tende vt possint et valeant certam bonorum suorum partem siue de ip(s)is nuper recuperatis possessionibus siue de aliis dudum quiete
possessis vsq(ue) ad Sumam predictam videlicet Octingentarum sexagenarum grossorum pragen(sium) obligare pignorare locare et in scribere
Quicquid enim per eosdem Abbatem et Conuentum in premissis et circa ea modo quo premittitur actum factum gestumq(ue) fuerit Nos ex
nunc prout extunc ratum et gratum habituri Autoritatem n(ost)ram plenissimam omnibus et singulis graciosius impertimur p(rese)ncium
sub nostri Regalis Sigilli appensione testimonio litterarum Datum Prage die Decimaoctaua Mensis Maii Anno domini Millesimo
Quadringentesimo Octogesimo Anno vero Regni nostri Nono
Ad relacionem domini Czenkonis
de Clingsteyn prothonotarii (et)c(etera)