Wenceslaus dei gracia Romanor(um) Rex semper Augustus et Boemie Rex Notumfacimus tenore presencium vniuersis Q(uo)d
cupientes condicionem Religiosor(um) Prioris et Conuentus Monasterij Carthusiens(is) prope Pragam deuotor(um) nobis dilector(um)
facere meliorem ad quor(um) utiq(ue) bonum statum tanto Serenitas n(ost)ri inclinatur attencius quanto confidimus de acceptis
oracionibus eorundem animabus progenitor(um) n(ost)ror(um) ac n(ost)re similiter eterne salutis compendia auctore d(omi)no procurari
Ipsis animo deliberato sanoq(ue) fidelium n(ost)ror(um) accedente consilio graciose indulsimus et tenore presencium de certa n(ost)ra scien
cia et auctoritate Regia Boemie graciosius indulgemus vt Curiam suam Mokrops quam alias de consensu n(ost)ro Regio et
speciali licencia emisse noscuntur cum omnibus suis Iuribus et pertinencijs sub ea libertate et Immunitate vendere libere
Valeant qua eandem ipsis pridem liberasse dinoscimur Prout super hoc emanarunt n(ost)re l(itte)re libertacionis n(ost)re continen
cie plenioris Decernentes expresse et hoc Regali statuentes edicto q(uo)d hij qui predictam Curiam Mokrops emerint eandem
sub ea libertate et Immunitate tenere et possidere valeant perpetuis temporibus ab omnibus oneribus et seruicijs liberam
et immunem qua ijdem Prior et Conuentus ipsam hactenus possederunt Mandamus igitur vniuersis et singulis p(ri)ncipib(us)
ecc(lesi)asticis et secularibus Baronibus Militib(us) Clientibus Burggrauiis Officialibus ac ceteris n(ost)ris Subditis et fidelibus Q(ua)t(en)us
prefatos Priorem et Conuentum aut eos quib(us) prefatam Curiam suam vendiderint ut prefertur contra presentem graciam
n(ost)ram impedire nullo modo presumant seu permittant impediri per quenpiam sed pocius eosdem n(ost)ro nomine c(on)tra huius
modi fideliter manuteneant protegant et defendant Prout indignacionem n(ost)ram grauissimam voluerint arcius euitare
Presencium sub Regie n(ost)re Maiestatis Sigillo testimonio litterar(um) Datum Prage Anno d(omi)ni Millesimo Trecentesimo Oc
tuagesimoquinto die decima Nouembris Regnor(um) n(ost)ror(um) Anno Boemie Vicesimotercio Roma(norum) vero decimo

p(er) d(ominum) E(piscopum) lubucen(sem) p(ro)thon(otarium) Cancellar(ium)
Jo(hannes) fauoren(sis)