Wenceslaus dei gratia Romanorum Rex Semper Augustus et Boemie Rex Notumfacimus tenore presencium vniuersis Quod ad ho
norem omnipotentis dei sueque Jntemerate genitricis necnon ob singularis fauoris intuitum quem ad Religiosos priorem et Conuentum
Monasterij domus orti Beate Marie prope pragam Carthusiens(is) ordinis deuotos nostros dilectos paternis inherendo uestigijs gerimus
Jpsis et eorum Monasterio predicto Animo deliberato et maturo principum Baronum et procerum nostrorum fidelium accedente consilio hanc de specialis
nostre gratie munificentia facimus et tenore presencium de certa nostra sciencia necnon auct(oritat)e Regia Boemie statuimus gratiam ut uidelicet ipsi et eorum Collectus
de bonis nostris et eorum fortasse minus vtilibus pro fructu et vtilitate Monasterij vendere exponere seu permutare possint et ualeant prout
ipsis melius et utilius uidebitur expedire Quodque ipsi prior et Conuentus predicti Monasterij bona ipsorum omnia presencia et futura cum uolunta
te Regia possidere ualeant atque possint et in ipsis et eorum quolibet suos officiales videlicet Judices Tabernarios fabros et alios seruitores
cuiuscumque conditionis existant locare et constituere ac eciam destituere Juxta ipsorum libitum uoluntatis quibus omnibus consensum nostrum Regium pre
bemus liberum et assensum Mandantes omnibus et singulis Regni nostri Boemie officialibus qui sunt uel pro tempore fuerint firmiter et districte Quatinus
prefatos nostros deuotos et Jpsum Monasterium in antedictis nostris gratijs et Jndultis quomodolibet non impediant nec impediri permittant per
quempiam sed pocius in hijs nostris nomine manuteneant efficaciter et defendant prout indignacionem nostram grauissimam uoluerint eui
tare Presencium sub Regie nostre Maiestatis Sigillo testimonio literarum Datum prage Anno domini Millesimo Trecentesimo Octuagesimoquarto
die Decimaoctaua mensis februarij Regnorum nostrorum anno Boemie uicesimoprimo Roman(orum) uero octauo
Ad man(da)t(um) d(omini) Reg(is)
J Jauor(ensis)