Wir Johannes von Gots genaden chunig ze Behem vnd ze polen vnd
graf ze Lucenburg. Tuen chunt offenbar an dem prief allen den di
disen brif sehen oder horen lesen. Daz wir durch got vnd von sunderleich(er)
gunst di chloster frawen vnd di gaeist(lichen) leut sant claren ordens ze Eger vnd daz
chloster da mit genadet haben ob wir leise her nach od(er) ehaim vnd(er) ampt
man cheinerlai bet od(er) stewer auf di gaistlichen leut oder auf di chlos
ter in der stat od(er) in dem lant ze Eger legen waen oder wie dick daz
geschehe daz si cheinerlai der ze tun noch geben schuln wed(er) vil noch we
nich. Des geb wir in disen offen brif ze vrchund vestent mit vn
serm Insigel. Der ist geben nach christes gepurt vber drewze
henhundert iar dar nach in dem funf vnd dreissigisten iar. Des
nehsten mitwochen vor sant marien magdalen tag