Ich frentzel Gozwin von Libnstein dg ich offenlich mit disem
brief vnd tun kunt allen den di in sehent od(er) horent lesn vmb
di fumftzehn s(ch)oc ierliche zinse gelegen zu(o) Heschomlint di ich
den erbn geistlichen clost(er)iunchfrowen sand claren ordens
zu(o) Egr gebn han zu(o) miner tocht(er) d(er) Elzbethen di auch closter
iunchfrowe worden ist daz ich in daz selb gut fur ein freiez
erbaigen gebn vnd geantwurtet han von nimande zu lehen zu
habn od(er) zu nemen dan von dem Reiche vnd ich vnd min erbn
schuln vnd gelobn in daz selb gut vertreten entweren versprechen
vnd entrichten von aller ansp(ra)ch als recht ist Iar vnd tach
Des zu(o) vrkund ist diser brief gebn vnd v(er)sigelt mit minem
des vorgenanten Gozwins Infigel des sint gebeten gezugen
min brocher Rudusch Angils vnd mins brud(er) son frentzel Goz
win di des zu(o) gezu(o)chnusse ir Infigel auch an disen brief gehangen
habnt Daz gescha(c)h do man zalt von criste geburt dreu
tzchenhundert Iar dar nach in dem fumf vnd fumfzigste(m)
Iar des nehsten sonabnde nach sand mathias des zwelfbotn tag