Ich Nigklas Klinkervogel Burger zu Eger, Bekenne fur mich alle meine Erben vnnd Erbnamen ofenlich an diesen Brief gen me,,
niglich, das ich mitt furwissen meines lieben Vaters Wolfen Klinkervogels sailligen Testamentarien Meins Zwen Teich
auffn Braunhoff vnter Vepels Teich Zur Nonnen grue gelegen, mitt grundt bodenn Wassers rinn vnd abfleüssen vnd allenn
Teich gerechtigkaitten ledig vnd frey, wie die Bemelter meinn lieber Vater seliger Inne gehabt, meine khinder vnd ich Ererbt
hab recht Redtlich, erblich vnnd Wechselsweis Nigkle Vischern zu Schollenreuth vnd allen seinen Erben, vmb Zwen
Teich zu Waldtsreuth Zwischen Miltigken vnd Waldtsreuth neben des Ruprechts Teichleinn ligendt eingereumbt vnd
abgetretten, den vnd wer ferner quittirens notturfftig, ich gannz quitt frey ledig vnd los sage vnd thue mich des genzlichen
verzeihen, Gerede vnd gelobe fur mich vnnd alle meinn Erben, Das wir ewig niemandt vonn vnnsert wegen genan,,
tenn Nigkle Vischer alle seine Erben vnd Erbnamen Obengadachten Teichleinn, Weder vmb klain gros
wenig nach viel gannz vnd gar nichts ausgenummen halben hinfur Zu Ewigen Zeitten nimmerner betaidigen
anlangen noch Zusperechen sollenn, Sonndern genuegen Entwehren freiren vnnd Ledigenn wollenn
als der Stadt Eger recht vnnd gewonheitt ist, Bey meinem rechtenn warren treuenn an arg vnd geuerde, Des
Zun Vrkundt hab ich Obengennantter Nigklas Klinkervogel fur mich vnd alle meinn Erben Gebetten die
Erbarn vnnd Wolweysenn herrn Nigklas kofler vnnd Georg Wassermann des Radts zu Eger, Das sie ihre
Insigel Innean an Endenn hierann gehangenn, Der geben am Siebenden Apprillis Anno
Dominj Einundfunfzigk Der Wenigern Zall