Ich Hans Erhardt Miehe, weilunden aüch Hansen
Erhardt Miehes Zür Eülenbürckh gesessen seeliger
Verlassner Ehelieblicher Sohn. Bekhenne
für mich all meine Erben, Erbnehmen Vnnd
Nachkhommen. Offenlich an disem brieff, geg(en)
allermeniglichenn, Nachdem ich
dem Ehrwürdigenn Stifft S: Clarenn des Junckh(er)
frawen Closters Zue Eger, mit annerobten
pflichtenn Zuegethan Vnnd Vnderworffen ge=
wesenn, Wann ich mich aber an Jezo meiner
Besserung halber, Vndere andere herrschafft
begebenn, Vnnd mir die Ehrwürdig, Vnnd
Andächtige weise Junckhfraw Magdalena
Lochnerin Äbtissin Vnnd Conuent, Obgemelts
Stiffts Zue Sanct Clarenn, mein Jngepür
günstige Liebe herrschafft, gütwillig von
Jrer Eger, gründen, menigebürnden Erblens
Antheil, Zue handenn geuolg lassen, Sonndern
sie mir aüch gütters, Vff mein Vnderthänig
bittenn Vnnd anlangenn, Eienn Schrifftlich
Vrlaüb Vnnd abschidts brieff, mitgetheilt,
darumbenn Jch Jrer Ehrwürden nicht allain
hochfleissigenn danckh, Sonndern aüch dieselbe
Jrenn Conuent Vnnd Nachkhommen, des
Verstorbenn hiefürnn frey, quittieret
Nottürfftig, deßwegenn gannz Allerding, qüit
frey Ledig Vnnd Loß sage, Vnnd thue mich dessen
Allenn Vnnd Jden, gannzlich Vnnd Loutterlich
renunciern Vnnd Verzeihen,