Zuuermerkhen vnd wissent sey hiermit Menniglichen,
das heüt heuttigenn vndenbenantem Dato, zwischen der
Ehrwürdigenn Andechtigenn vnnd hochthugendtreichenn
Junckhfrawen Vrsula Helmin, Ebtissin vnnd Conuent
des Stiffts vnnd Junckhfrawen Closters Sanct Claren
Ordens Inn Eger, Eines, vnnd dem Erbarnsammen
Hansen Adler, Richtern Zue Trepitz, Mit Consens vnnd
Vergleichung des Edlen vnnd Gestrengen Sigmunden
von Notthafft, Zue Thierstein, sein Adlers gnedigenn
Liebenn Erbherrn, am andern, Ein Redlicher, Auf=
richtig, bestendig vnnd Ime Ewig vnwiderruefflicher
Kauff vnnd frey Marckht, Vmb das geltt, wie hernach
volgendt, vnnd beschlossen worden,

Das Eregedachte Junckhfraw Ebtissin vnnd Conuent, für sich
vnnd derselben Nachkhommen, Zwo Stückh wißmath
vnnd feldt beysammen, Andero winckhelmaß Zue Trepitz,
am Steig, vnder dem Steig Teüchlein gelegen, mit derselben
Zuegehörung, Huedt, waidt, graßnutzung, rechten, gerech=
tigkheitenn, (In allewege aber hat Ime das Conuent die
Fuger Zue behalten, hie vnnd wider bedingt vnnd vor=..
halttenn) Sonsten nichts mehr außgenommen,

Ietzgemeltem Hansen Adler vnnd sein Hauß daselbsten,
In Noth Eregedachtes, Ime andern Zue Conuent alda
habenden Kauffs Eigenthumb, So er sein Adlers Inhabenden
vnnd formelten Junckhfrawen Vrsula Helmin, Ebtissin,..
Zue Eigenthumb Zuekhauffen geben, alda Zue Trepitz