Innocentius ep(iscopu)s seruus seruor(um) dei Dilecto filio .. ministro prouinciali fratrum ordinis minor(um) prouincie Boemie et Polonie secundum morem dicti ordinis sal(u)t(em) et ap(osto)licam ben(edictionem). Pia uota
fidelium que in diuini cultus sacre(que) religionis augmentum tendunt libenter fauore prosequimur et assensu. Exhibita siquidem nobis pro parte dilector(um) filior(um) Petri elia(s) ac nobilium
uiror(um) Jodoci Vlrici et Joh(ann)is artium dictor(um) de Rosenberg germanor(um) Pragen(sis) dioc(esis) peticio continebat, q(uo)d ip(s)i cupientes terrena in celestia et transitoria in eterna felici comercio comutare
pro suar(um) et parentum suor(um) animar(um) salute proponunt et intendunt ad diuini nominis laudem sacre(que) religionis augmentum de bonis sibi a deo collatis fundare, construere, et dotare
in eor(um) opido de Crumilou dicti Pragen(sis) dioc(esis) in eor(um) fundo seu solo proprio vnum monast(er)ium sororum inclusarum seu soror(um) ordinis sancte clare pro vna uidelicet Abbatissa
et duodecim sororibus ibidem domino p(er)petuo seruituris et alijs p(er)sonis ad ear(um) seruicium oportunis cum capella seu oratorio, campana campanili cimiterio domibus et alijs
necessarijs officinis. Quare pro parte dictor(um) germanor(um) fuit nobis humiliter supplicatum, ut eis faciendi premissa licenciam concedere dignaremur. Nos ita(que) pium
huiusmodi dictor(um) germanor(um) propositum in domino comendantes, discrecioni tue eligendi seu recipiendi in dicto opido locum congruum et honestum
in fundo uidelicet seu solo ip(s)or(um) germanor(um), in quo ijdem germani huiusmodi monast(er)ium fundare ac construere, et constitui facere, dote
prius per eos sufficienti ut premittitur assignata licite ualeant, ip(s)is(que) germanis ex cum tuo assensu et consilio faciendi, iure parrochialis eccl(esi)e et
cuiuslibet alterius in omnibus semper saluo plenam et liberam auc(tori)tate ap(osto)lica tenore presencium licenciam elargimur. Nulli ergo omnino
hominum liceat hanc paginam n(ost)re concessionis infringere, uel ei ausu temerario contraire. Siquis autem hoc attemptare presump
serit indignacionem omnipotentis dei et beator(um) Petri et Pauli ap(osto)lor(um) eius se nouerit incursurum. Dat(um) Auinion(e) viij Id(us) Aprilis
Pontificatus n(ost)ri Anno Sexto.