Wencezlaus dei gra(cia) Rex Boemie, Dux Cracouie et Sandomerie, Marchioq(ue) Morauie. Dum p(er)sonis
deo sub regulari habitu famulantib(us) libertates concedim(us), ip(s)isq(ue) ab officialium secularium diuersis uarijsq(ue) vexacionibus
quietis t(ra)nquille comoda p(ro)curam(us), et apud homines nominis n(ost)ri laudabiliter fama concrescit, et apud deum p(re)mia
consequi speram(us) eterna. Propterea siquidem p(re)senti priuilegio notum esse volum(us) tam p(re)sentib(us) q(ua)m futuris, q(uo)d nos
principaliter propter deum, Prepositi et Conuentus Monialium Monasterij de Chotessow, Premonstraten(sis) ordinis
hominumq(ue) ip(s)or(um), qui per prouinciales Judices n(ost)ros frequenter uexari solent et diuersimode molestari, quieti et
tranquillitati prouidere uolentes, ip(s)os om(ne)s, a pilznen(si) alior(um)q(ue) om(n)ium Beneficiarior(um) prouincialium Regni n(ost)ri
Judicijs, Beneficiarijs tantu(m) pragen(sibus) duntaxat exceptis, de speciali gra(cia) eximim(us), et esse volum(us) i(m)p(er)petuu(m)
liberos et exemptos. Jta q(uo)d decetero, dicti prepositus et Conuentus, ac ip(s)or(um) homines, coram nullis alijs
Beneficiarijs, preter q(ua)m coram pragen(sibus) Beneficiarijs supradictis, citari debeant uel aliquaten(us) iudicari.
Jn cuius rei testimonium, p(re)sentes litteras fieri, et Sigillo Maiestatis n(ost)re iussim(us) co(m)muniri. Datum
in podybrad per man(us) Venerabilis petri Basilien(sis) Ep(iscop)i, Wyssegraden(sis) p(re)positi, Regni n(ost)ri Boemie
Cancellarij, Principis n(ost)ri dil(ec)ti. Anno d(omi)ni Millesimo, Ducentesimo, Nonag(esimo) septimo, vj. Jd(us) Octobris
Vndecime Jndiccionis Regni n(ost)ri Anno Primo;