Sigismundus dei gracia Romanor(um) Imperator semper Augustus ac Hungarie Bohemie Dalmacie Croacie (et)c(etera) Rex.
Notum facimus tenore presencium vniuersis. Quod licet alias ad resistendum dampnate secte hussitar(um) Orphanor(um) et
Thaboritar(um) in Bohemia n(ost)ris emulis et inimicis nonnulla bona ecclesiastica et spiritualium personar(um) in Regno n(ost)ro
Bohemie vrgente extrema necessitate certis Baronibus Nobilibus et Clientibus Regni prefati proscripserimus
et inter ceteros eciam famosis Zdenkoni de Sstka purgrauio in Tyn et Zdenkoni de Sstka dicto Coluin patrueli
suo fidelibus n(ost)ris dilectis Villam dictam Hartmanow Tusskow cum pertinencijs suis Monasterij Chotiessouien(sis)
obligauimus pro vna notabili pecunie quantitate. Tamen ijdem Zdenko de Sstka et Zdenko Coluin affectan(tes)
alienacionem prefati Monasterij Chotiessouien(sis) cum Religiosis petro preposito et Anna priorissa ac Conuentu
eiusdem Monasterij conuenerunt et concordauerunt eo modo, q(uo)d amodo predictus Zdenko Coluin Margaretha
Conthoralis sua et heredes eor(um) aut qui p(rese)ntem l(itte)ram cum eor(um) bona voluntate habuerit supradictam Villam Tuss
kow cum censibus Juribus dominio et pertinencijs eius preter tamen decem laneos Agror(um) vno naprawonkone
ac Jure patronatus eccl(esi)e parrochialis et pertinencijs eiusdem eccl(esi)e que eidem Monasterio post concordiam
dimiserunt pro Quadringentis et Quinquaginta sexagenis grossor(um) pragen(sium) tandiu in pignore tenere et habere
debeant quousq(ue) eis per nos aut successores n(ost)ros Reges Bohemie siue per eosdem prepositum priorissam et Con
uentum in Chotiessow pro eadem summa non fuerit satisfactum, Quemadmodum littere eiusdem prepositi priorisse
et Conuentus super hoc confecte id clarius attestantur. Nos qui releuacionem eccl(esi)ar(um) precipue tamen eiusdem Mo
nasterij Chotiessouien(sis) cordialiter affectamus, Animo deliberato et ex certa n(ost)ra sciencia ad p(re)fatam conuencionem
et concordiam iuxta continenciam litterar(um) inittar(um) n(ost)r(u)m consensum pariter et assensum adhibuimus et adhibemus
ipsasq(ue) autoritate Regia Bohemie approbamus et graciosius confirmamus In cuius rei testimonium Sigillum ma
iestatis n(ost)re p(rese)ntibus est appensum. Dat(um) Ratispone Anno d(omi)ni Millesimoquadringentesimotricesimoquarto Sexta feria ante
festum sancti Wenceslai Martiris gloriosi Regnor(um) n(ost)ror(um) Anno Hungarie (et)c(etera) Quadragesimooctauo Romanor(um) Vige
simoquinto Bohemie Quintodecimo Imperij vero Secundo :