Nos Henricus diuina permissione Abbas In Bantz Ordinis sancti Benedicti Herbipolensis dio
cesis Presentibus litteris constare volumus easdem inspecturis Quod Reuerendus In Christo pater et dominus dominus Emmeramus Abbas In Lanneckheym
Cisterciensis ordinis Babenbergensis diocesis per quendam de suis fratribus Conuentualibus nobis exhibuit litteram pergameneam Serenissimi
Wladislai olim dei gracia Bohemorum regis duobus sigillis Cereo scilicet In Cordula pergamenea et plumbeo In Cordula canopea albi coloris
pendentibus regisq(ue) ymaginem impressam habentibus Sigillatam non abrasam nec abolitam sanam et integram omniq(ue) prorsus vicio et suspitio
ne carentem Quam quidem litteram de manibus ipsius prefati fratris recipientes diligenter vidimus perspeximus et legimus de verbo ad verbum
tenorem in se qui sequitur continentem Cum omnes In Christo pie viuentes debito diuini precepti teneantur vt pauperes eius et maxime eos
qui spreta omni terrena ambitione ardentiori desiderio amori dei adheserint fouere amplecti atq(ue) manuteneant Spealiter tamen conuenit eis
qui ex dei largitate diuicijs honoribus ac dignitatibus pre ceteris In hoc mundo locupletati et adaucti sunt huiusmodi viros splendore sancte vite niten
tes deuocione bone conuersationis probatos ad laudem diuini nominis congregare et per eos misericordiam dei implorando veniam peccatorum sperare
Vnde ego Wladislaus gracia dei Bohemorum rex cum socia thori mei Gertrude sub obtentu indulgencie peccatorum simulq(ue) desiderio salutis eterne accensus
quosdam fratres viros probate et sancte conuersationis fidei non ficte cultores A sancta matre eorum ecclesia Lanneckheymensi pia cordis deuocione
innitaui et vt terram Bohemie sanctitatis necessaria cohabitacione illustrarentur sustentarentur et boni odoris aromatibus perfunderentur deuotissima petici
one obtinui Cunctis itaq(ue) vere fidei cultoribus tam futuri q(uam) presentis temporis notum facio q(uo)d prenotatis fratribus tam ipsis q(uam) eorum successoribus
quoddam patris mei predium quod Plasz vocatur cum omnibus suis attinencijs perpetuo Iure possidendum contradidi Vt autem abundanciori tempo
ralium sufficiencia adiuti securius expediciusq(ue) deo seruientes continuis oracionibus vacarent Infra notatas villas cum omnibus appendicijs eisdem
dei famulis addidi Quarum nomina sunt hec Kazneu cum suis appendicijs Drahni cum suis appendicijs Zechutia cum suis appendicijs Nebrisim
cum suis appendicijs pro cuius tercia parte que ad episcopum pragense pertinet villam meam Stupam nomine Iuxta Rockezan sitam episcopo
Pragensi contradidi Dacu partem salis de theloneo Prage Inbecen vineam et duos vinitores cum possessione sua Inmothosz Cean hominem cum
possessione sua Et decem hominum seruicia ad dotem ecclesie pertinencia Lechet hominem cum possessione sua Potestatis mee quoq(ue) et domini pragensi epis
copi Ottonis auctoritate hoc idem confirmo Quatenus has prefatas possessiones quas iuste et canonice ad vsum deo militantibus dedi Sed et alias siquas
deinceps daturus fuero Vel si quis successorum meorum seu aliorum fidelium quelibet bona eis contulerit Ipsi et qui post eos successerint firma et illiba
ta possideant Quod siqua In posterum ecclesiastica secularisue persona hanc mee donacionis dotem sciens Instinctu diaboli violare vel aliter q(uam) contra
eorum voluntatem immutare temptauerit secundo tercione commonita Si non satisfactione congrua emendauerit ecclesiastice districcioni et eterne dam
nacioni se subiacere nouerit Facta sunt autem hec Anno dominice Incarnacionis Millesimo Centesimo Quadragesimosexto Epacta sexta Concur
rente vno Indictione vndecima Anno vero ducatus mei Quinto Hij sunt testes qui presentes fuerunt quando dominus Abbas Plazensis recepit
villam que vocatur Teschou ab Ottone dominus Geruasius Prepositus et Cancellarius Martinus nepos eius Laurencius Sancirius Michael
Wernitius Rudolfus Heymramus Iudex de Plizen Rudolf senior de Claderub Wintter Willehalmus frater eius Marquardus de nouo castro
Bogusial villicus regis Datum per manum domini Geruasij Wissegradensis prepositi et Cancellarij Nonas Augusti In cuius rei testimonium presentes
litteras ad prefati fratris requisicionem Nostri abbatis Sigilli Iussimus et fecimus appensione muniri Datum In prefato nostro monasterio Bantz
Die Iouis Quartadecima mensis Marcij Anno domini Millesimo Quadringentesimo Nonagesimo Nono