Wir Henczil vom Stein Wenczlab Czwinner francz Hyser Hansman hofman yrmger Schepfin in den
Smyden dornach di Schepfin in dem preghaus heynrich vom Stein Schon hanns Wenczlab Yrmge
Bekennen vnd tun kunt mit disem kegenwertigen prife allen den di nu sint adir hernach kumftik
werden das der Erber her procob probist adir alle di noch ym probste werden vnd di Erber
Geistliche Juncfraw katrein aptisin vnd das gancze Conuent des Closters Czu Vravental haben
drew achteil eyner Smyden auf vnse h(er)n des kunigs mwnczhoff des pergs Czu Chutten vnd di
drew achteil eyner Smyden gelegin sint in der Sitawer Smyden vnd auch drn legin Recht vnde
Redlichen den vorbenanten h(er)n procoben probist vnd dem ganczen Conuent des Closters Czu
Vravental di egenanten drew achteil eyner Smyden yn cnhaben czuhalden vnd czugebrauchen
Erbelich vnd Ewiclich Recht als eyn Jglich Erber Werkmeister an Rechte drew achteil eyner
Smyden besiczen vnd haben schol an hindernisse einvel vnd teydinge aller Leute in czukumftigen
czeiten Vnd an eyner bestetigunge vnd czu eym ewigen geczenknisse diser Sache hab wir vor
gesprochen Schepfin vnser peyde anhangende Sigel an disen prif gelat der do gegeben vnd
geschriben ist Nach Cristi geburt Tausent dreihundert Jar vnd in dem sibin vnd achczigisten
Jare an des heligen herrn Sent Mathien abent des heligen Czwelfpotin