Wir Sigm(un)d von gotes gnaden Romischer kunig zu allen zeiten merer des Riches k(unig) zu Hungern Dalmacien Croacien (et)c(etera) Bekennen und thun kunt offenbar mit disem briefe allen den die In sehen oder horen lesen und als wir
von angeboren(er) gute und Romischer kuniglicher miltikeit zu der Eger ap(ost)el(i)c(a)e stat der Ahnestuge got als wir genzlich hoffen gesp(ro)chen und gefuget hat allzeit geneygt sin allen un(ser)n und des Richs undertan(en) und getruen fride und
gemach zu schaffen und w(er)k(en) und alles das die zu gutem wesen und zu state k(unig)liche(r) wirde gehore furzubringen doch so synn wir das von sund(er)lichen m(er)c(k)en und sunderlichen zuorn und zuversicht den die stat Eger un(ser) burge(r)
tane alle wid(er)wertikeit ufgeslagen un(der)tangen geton h(a)b(en) und w(er)den und nemlich der Crone zu Behem der Rechter und naturlicher Erbe und naturlicher h(er)r sin genzlich und unuerruckt gehalden hab(en) und noch teg
lich halden wann im fur uns komen ist des Burg(er)maisters Raten und der burger gemeinlich der Stat zu Eger un(ser)er und des Riches lieben getruen erber botschaft und uns demuticlich gebeten hat daz wir den selben Burg(er)maist(er)
Rate und Burger gemeinlich und ouch der Stat Eger alle und Iegliche freyheit recht(e) gute gewonheit gesetze briefe priuilegia und hantfesten die sie von Romischen keysern und kunigen und ouch der Cron zu Behem behalden und er
worben haben zu beweren zu uernewen und zu bestetigen gnediclich(en) geruchten des haben wir angesehen sulche redliche und demutige bete und ouch bekantheit un(ser) stete truwe unuerruckte und willige dinst die der ergen(ant)en Burg(er)
maister Rate und Burger gemeinlich der Stat zu Eger wid(er)n un(ser)n anefarn an dem Riche und sunderlich der Cron(en) zu Behem in uergang(en)en zeiten oft kostlich und getrulich getan hab(en) und sie uns ouch getruw(e) willig und
bereit sind und ouch tun sullen und mugen in kunftigen zeiten Und haben darumb mit wolbedachtem mute gutem Rate un(ser) und des Riches fursten Greuen edeln und getruen und rechter wissent(heit) den selb(en) Burg(er)maist(er) Rate und
Burgern gemeinlich und der Stat Eger alle und Iegliche Ir gnad freyheit rechte gute gewonheit gesetze briefe priuilegia und hantfesten die ne un(ser)n und Ir von un(ser)n uarfarn Romischen keysern und kunigen und der Cron zu Be
hem erworben und redlich herbracht haben In allen Iren meynungen gesetzen puncten artickeln und ynnehalden(n) genzlich dann die luten und begriffen sind in aller der mass als ob sie alle oder Iegliche an(n) worte zu worte in disem
un(ser)m briefe geschriben oder begriffen weren gnediclich beweret uernewet und bestetiget beweren uernewen und bestetigen In die ouch von Romischer kuniglicher macht in craft ditz briefs und meynen setzen und wollen das sie
und Ir nachkomen Burger zu Eger hinfurmer daby beliben und der ouch an allen enden gebruch(en) und genyessen sullen von allermenniclich ungehind(er)t Und wann die Cron(en) zu Behem nach dem ord(en)n(en) do eyntrechticlich under
waist sind und ouch dar besunden haben also gesetzet ist daz kein furste Banne(r)h(er)r Edler Ritter knecht Burg(er)man(n) burger oder sust keinerley ander p(er)son der Cron zu Behem oder Imer zugehorunge was wesens oder stenden der
sy in keinem Ir(er) land an(n) geistliche dinge allen vor dem kunig zu Behem und den Richtern sines kuniglichen hofes gehaischen geladen geruffet und do zu recht stan sal zu ewigen zeiten als dann daz durch die keyserlich(en) ge
setzte der gulden Bullen clerlich Innehalden und wann die ergen(ant)en Burger Stat und landt zu Eger der Cron(en) zu Behem zu gesp(ro)chen sin und uff dise zyt darzu gehoren und wann wir der Cron zu Behem nach dem
allerdurchluchtigisten fursten und h(er)r(e)n kunig Wenczlaw un(ser)m liben bruder rechter und naturlicher Erbe und und naturlicher h(er)r darumb haben wir mit wolbedachtem mute gutem Rate und rechter wissent(heit) den ergen(ant)en
Burgern und der Stat und land zu Eger sulche vor(gen) freyheit beweret uernewet und ouch von newes getan und gegeb(en) thun und geben In die von Romischer kuniglicher macht in craft ditz briefs das nyemand wer der
sy dieselben burger und Stat und die Iren und Ire lute und guter die zu der Stat und dem land zu Eger gehoren geistlich(er) oder w(er)ntlich(er) fur un(ser) und des Riches hofgericht noch fur kein(er) ander hofgericht lantgerichte
oder gerichte noch sust zutagen kempf(en) oder in ander wise laden heischen oder fodern sulle oder mugge zu ewigen zeiten Sunder das sich ydem(an) vor Irer herschaft oder Irem pfleger an glich und recht genugen lasse und ob
sie ouch uber sulche dise un(ser) uernewt(e) un(ser) sulche un(ser) gehand(el)t(e) un(ser) newe gnad oder recht geladen oder urteil uber sie die Iren oder die un(ser)en Ire gute gesp(ro)chen weren oder wurd(en) sulch ladung und urteil thun und neme
wir genzlich ab und uernichten die ouch yetz als dann und dann als yetz mit disem briefe Und meynen setzen ordnen das von der ergen(ant)en un(ser)er uernewt(en) un(ser)er gnad(en) und urteil kein craft noch macht haben und den
vor(gen)an(ten) Burg(er)n Stat und land zu Eger und Iren luten Imer(en) und gutern keinen schaden breng(en) oder fugen sullen und mugen in kein(er) wis Und uff das die so desterbas und geruliclicher bey sulch(en) un(ser)n
gnaden und friheiten beliben mogen darumb haben wir von sunderlichen un(ser)n gnaden die ytzgenan(ten) Burger Stat und landt zu Eger und alle Ire lute Imer(en) gute und zugehorung derselben Stat und des landes zu
Eger in un(ser)e und des Riches sunderliche gnade hute und schirme gnediclich empfangen und genom(en) nemen und empfahen sie ouch doran in craft ditz briefs Als dann das der allerdurchluchtigiste furste und h(er)r kunig
Wenczlaw un(ser) w(er)t(er) liber bruder in sinen briefen und durch sin erber botschaft ouch an uns sunderlichen begeret hat Und wann wir ouch gern sehen das die Stat und die landt zu Eger und das darzu gehoret bey un(ser)n
zyten und ouch darnach in keinem wege verfart und getrennet w(er)de darumb von sunderlichen gnaden setzen und wollen wir das nyemant welchs wesens oder stendes die sin keinerley gute die der Stat und dem land
Eger zugehoren und der ytzgen(anten) Crone von Behem pfantshafft sin von derselben Stat land und ouch der Crone zihen oder entpfremden in kein(er) wis Und gebieten ouch darumb allen und Ieglichen fursten Geistlich(en) und
werntlich(en) Greuen frien h(er)r(e)n Rittern knechten Amptluten hoptluten lantrichtern Burg(er)maist(er)n schepffen und Burg(er)n gemeinlich aller und iglicher stete merckte und dorffere und sust allen and(er)n un(ser)n und
des hiligen Riches undertanen und getruen ernstlich und uesticlich mit disem briefe daz sy die ergen(ant)en Eger und ouch die Stat und das landt Eger an Iren gnaden freiheiten Rechten guten gewonheiten gesetzen briefen
priuilegia und hantfesten nicht hindern In de(n)en nicht griffen noch sie daruber beswer(en) sunder sie daby von un(ser)n und des Riches wegen hantkaben schutzen und schirmen und geruliclich beliben lassen Als lieb In
sy un(ser) und des Riches swar ungnade zuuermeiden und bey uerliesung einer pene funfftzig mark lotigs goldes der ein iglicher der daruber tut so offte daruber getan wirt halp in un(ser) und des Riches Camer und
halp den ergen(ant)en von Eger unleslich(en) bezalen Mit urkund d(es) briefs uesigelt mit un(ser) kuniglichen maiestat Ingesigel Geben zu Costencz nach cristes geburte vierzehnhundert Iare und darnach in dem Sibenzehend(en)
Iare des nehsten Samcstags nach sand Iohans tage des heiligen Bote Tauffers Un(ser)er R(e)iche des Hung(er)ischen in dem Einunddrissigisten und des Romisch(en) in dem Sibenden Iare
Admandat(um) d(omini) Reg(is) michael p(rae)pos(itus)
ec(clesiae) Bratislauien(sis) et(cetera) c(ancellarius)
Und wir Bruder Niclas abt des closters un(ser) lieben frowen zu waltsassen des Orden(s) von Citel Bekennen und thun kunt vor allermenniclich das uns die Ersam(en) weisen Burg(er)maist(er) und Rate der Stat zu Eger
einen brief In lawttende von un(ser)m gnedigen h(er)r(e)n h(er)r(e)n Sigmund Romischen kunige (et)c(etera) uber alle Ire altherkom(en) rechte hantfesten und priuilegia bestetigung furbracht und uns flissiclich gebeten haben
umb ein Iudim(us) alss haben wir denselben brief an dem maiestat Ingesigel gantz unuer(seert) und an schrifften In sigil(n) p(er)game(n)t und in allen and(er)n ding(en) gantz unuerruert und in allen tail(en) eyntrechticlich(en)
sehen beschawt und verhort und lawtet von worte zu worte als die obgeschriben abschrift ausweist Und des zu bekentnus und warheit so haben wir h(er)r abt obgen(ant) Eger haben wir un(ser) Ingesigel hieran
hang(en) an ditz Iudim(us) lassen heng(en) das ist gescheen am dinstag nach Reminisc(er)e in der vasten Anno d(omi)ni Millesimo Quadringentesimo Tricesimoprimo