Wir Wenczlaw von gotes gnaden Romischer kunig zu allen czeiten mer(er) des Reichs vnd kunig zu Beheim Bekennen vnd tun
kunt offenlichen mit disem briue allen den die In sehen oder horen lezzen das fur vns komen ist vnser liber getrewer Wenczlaw
Sokol genant Richter zu Newnburg vff der Elbe vnd hat vns demuticlichen das wir Im das gericht doselbst das Im von
seinem son Wenczlawen angestorben ist vnd das haus das Im ouch von seinem vater anerstorben ist verleihen vnd beste=
tigen gnediclichen geruchten des haben wir angesehen dinst vnd trewe die er vnserm vater seligen vnd ouch vns offte ge=
tan hat vnd vns noch tun sal vnd mag in kunftigen czeiten vnd haben Im vnd seinen erben vnd nachkomen aus wol=
bedachtem mute vnd gutem rate dasselbe gericht vnd ouch das haus mit allen seinen zuhorungen gnediclichen ver=
lihen vnd bestetet verleihen vnd besteten In das mit kraft dicz brieues recht wissen vnd kuniclich machte zu Beheim
zu haben zu halden vnd zu besiczen in allen den rechten meczen ezen vnd wnden als es von alder besezzen ist vnd herko=
men vnd sunderlich das er die vorkauffen moge vnd in seine nucz wenden als Im das allernuczlichst fugen wirdet
von allermeniclichen vngehindert vnschedlich doch vns vnd der Cronen der kunigriche zu Beheim an vnsern dinsten
vnd rechten die vns dauon geburen vnd gebieten dorumb allen vnsern Amptluten vndertanen vnd getrewen
das sie den obgenant Wenczlawen seine erben vnd nachkomen an besiczung vnd gebrauchung desselben gerichtes vnd
des hauses nicht hindern noch irren in dheineweis Sunder sie dorzu vnd dobei von vnsern wegen getrewlichen
hanthaben schuczen vnd schirmen Als sie vnse swere vngenade wollen vormeiden Mit vrkunt dicz brieues
versigelt mit vnser kuniclicher Maiestat Insigel Geben zu Prage noch Cristes geburt dreuczenhundert
Jar vnd dornach in dem dreivndachtczigsten Jaren an sand Nielas tage vnser Reiche des Behmischen in
dem eynvndzweinczigsten vnd des Romischen in dem Achten Jaren

Ad relacionem d(omini) C(onradi) Walen
kunig(es) Hoffricht(er) p(er) Jaurien(sem)