Wir noch geschrebin pet(er) schorstus Burgmeyst(er) hempel czezer Nicze schnesse hans belham(er) ffrice stieb(er) pabil krocze
psfort hans prebil mertin andras hanema(n) knillebisch heinrich lange hensel hans gassin thelas kanengiss(er) hans moler rath=
man und gesworne der stad budissin Bekenn(e)n yn dissim offin briff Alle den dy en sehen ad(er) hore(n) lesin das wir mit allin
formeyist(er)n allir hantwerke und der gemeyne und aller ere nochkomelinge der stad Budissin und neme(n) is mit den snid(er)n
und erin formeyist(er)n alte und nuwe dy alden czochp(er)g snider petir radysch pessel snid(er) and(er) nidas krocze dy nu
wen petir bestaw maczko petir lemeschaw andres pryssewicz und arm und rich dy do gesworn syn eynir hant=
werke czu enthe wordin syn das wir is nicht seczcin und seczcin sollen und mogin als dicke dy nu is und wost alle
iar ierlich als das des allir durchluchtigistin und hochgeborn(e)n fursten und h(er)rn h(er)rn wenczlasus von gotis gnadin ro=
misschin und behemi(s)chin konigis czu allin czeitin merer des richs uns(er)s gnedigin libin h(er)rn brieve mit syner komissi(o)n
In hung(er)n anwisit is w(ir) in(n)iclich das der fittich keyne czu Budissin mit uns nym(er) rath is beseczcin sal
noch der yn geborn(e)n saczin sal w(ir) mit name(n) dy hir noch geschrebin sten dy schnisseler lorenc thonde nidas pryssewicz
hugil rebem(er) greg(er) nabe(n) bartholomeus zongisch begemund ber ffranczko frogmstad hans hmichin ryczhard by den bene=
ben hien do selbigin fittich eyn bund yn and(er)n steten habin der do arm und rich gros czu schadin kome is und dy stad do von
sennilich vordorbin und sich in rethe gekoufft habin ouch so habe(n) wir ebescrebin Burgmeyst(er) rathma(n) und gesworne der ege=
natin stad Budissin und dy egenat(e)n formeyist(er) alte und nuwe der snyd(er) uns zo vor eynt welchirleye rede ad(er) ansproche
vo(n) den vorlouffin snid(er)n entstunde ad(er) geschege das wir das mit yn and(er) vorentwertin sullin und mogin mit lybe und mit
guthe und uns nicht von yn(n)in sullin lassin scheydin yn keynerleye wise und mit namen wen man eyn rath kisin
sal und seczcin in der egenat(e)n stad Budissin zo sullin dy ebescrebin formeyist(er) der snid(er) dissin selbigin brieff lasin
lesin und(er) yn als wol als and(er) formeyist(er) der and(er)n hantwerke is zo rechte urkunde der worheyd und eynir
grossin stetigkeid das all dysse vorgeschrebin rede als is begriffin is stete und gancz gehalden werde ane arg von
uns ebescrebin Burgmeyst(er) Rathman und gesworne und formeyist(er) arm und rich zo habe(n) wir mit rechtin wissin
der egenat(e)n stad Budissin segil an dissin offin briff lasin hengen noch cristi gebort firczenhundirt Iar dornoch
in dem sechsten Iare am montage vor sente Appollonien tag der heiligin Iuncfrawen (et)c