Wir Ferdinand. (et)c(etera) Bekennen fur unß unßer Erben unndt Nach
khomende khonig zu Behaimb, unnd Marggrauen in Ober Laußnitz
thuntlich mit disem Brief, Nach dem wier verschind 1551 Jars
dem gestrengen unßerm lieben getreuen Hainrichen von Gerßdorff
auf Dobrelug, Herren theilen zu Sachsen rath, unnd Oberhaubtman
des Obergeburgischen Craiß, beuelt unßer closter dobralug in Nider
Laußnitz gelegen, sambt allen de selben nachthailen ein unnd Zugehorung
auf Vorhalt des closterrechs Braditz bey Torgau, von dem Wolgebornen
unßerm lieben getreuen, Albrechten Schlicken Grauen zu Paßau
unnd herrn zu weiskirchhofen, auf winteritz, unßerm Rath der
Cron Behaimb, Obersten Cammer maister unnd des Margraf
thumbs nider Laußnitz Land vogt, fur Neunundtwaintzig thausent
acht hundert thaller abzulosen, unnd an sich zubringen, unndt da selbs
in Zeit seines, unnd seines Eltesten Sohnes Rudolfes leben in der
oben Summa pfantweiß oder doch unabloßlich einzuhaben, Zubesitzen
unnd Zuniesßen gnedigist bewilliget, Alles weitter unnd nach
ausweisung unßerer Ime Hainrichen von Gerßdorf derselben
verzaichneten unndt ausgeraichten pfandtuerschreibung Welcher
Datum Wie den Zehenden tag des Monats Aprilis obberur
tes 51 Jars stet. Das wier demnach gedachten
Hainrichen von Gerßdorf aus dir furbitt seins halben an
unß geschehen, unndt Ime von seiner getreuen Dienst, unndt be
sonderen gnaden wegen, Solch obberurtes stift unndt closter