Wir Ferdinandt bekhennen fur unß unsere Erben und
nachkhumben Khunig zu Behaim und Marggraven in Nider
Laußnitz offentlich mit disem brieff, Nachdem wir verschin(en)
funffzehenhundert ainundfunfftzigsten Jars den dreyzehenden
unserm lieben getrewen Hainrichen von Bünaw auff Dobrilugk
Churfurstlichen Sachssischen Rath, und oberhaubtman des ober
Sechsischen Craiß, bemelt unser closter Dobrilugk in Nider
Laußnitz gelegen, sambt alles desselben nutzlichen Ein und Zuege
horungen, auß ursach des Barlenngs Bredis bey Torgaw, von
dem Wolgebornen unserm lieben getrewen Albrechten Schlicken
umb 49800 taler abzulösen, und an sich zubring(en), und dasselb
die zeit seines, und seines eltisten Sohns unnd des leibes
einenselben Summa pfandtsweis, aber doch unablößlich zu
haben, zu besitzen, und zugeniess(en), gnedigist bewilliget, alles
vermüg und nach außweisung, unßern dem Hainrichen von
Bünaw darumben verfertigten, und auffgerichten Pfandt
verschreibung, welliche datum Wienn den 10 Aprilis obbe
ruerts verschin(en) 51 Jars seind. Als wir nun
nachgedachter Hainrichen von Bünaw ansehung unnd
so seines halben an unß geschehen, und das wir seiner getrewen
dienste, und besondern gnaden wegen, sollich obberürte Stifft