Wir ferdinand von gottes genaden Römischer künnig zu allen zeitten merer des Reichs In Germanien zu Hungern Behaim Dalmacien Croacien (etc)
künig Infant in Hispanien Erczherzog zu Österreich Marggraff zu Mährern Herczog zu Würtemberg vnd zu Slesien Marggraff zu Laußnicz (etc)
Bekhennen für vns vnser erben vnd Nachkhümende künnig zu Behaim vnd Marggraffen In Niderlaußnicz Offentlich mit disem brieff. Nachdem wir ver=
schines fünffzehenhundert ainvndfünffzigisten Jars dem Gestrengen vnserm lieben getreuen Hainrichen von Gersdorff auff Dobrilugg Churfürstlichen
Zu Sachsen Ratt vnd Oberhaubtman des obergebürgischen Craiß. bemelt vnser Closter Dobrilugg in Niderlaußnicz gelegen. sambt allen desselben Rechten Nuczun=
gen vnd Zugehörungen (außerhalb des forwerchs Gradicz bey Torgaw) von dem Wolgebornen vnserm lieben getreuen Albrechten Schlicken Graf=
fen zu Passaun Herr(n) zu Weißkirchen Auff Wintericz vnserm Ratt des khünigreichs Behaim öbristen Camermaister vnd des Marggraff=
thumbs Niderlaußnicz Landvogt per Neunvndvierzig Tausent achthundert Taller abzulösen vmb an sich zubringen vnd dasselb die zeitt seines vnnd
seines Eltisten Sünns Rudolffs leben In derselben Suma Phandsweiß aber doch vnablöslich In Inhaben Zubesiczen vnd Inzuniessen genedigklich bewilligt /:
Alles vermüg vnd nach außweißung vnserer Ime Hainrichen von Gersdorff derhalben verfertigten vnd außgerichten Phandverschreibung. welcher Da=
tum Wienn den zehenden tag des Monats Apprillis obberürts verschinen ainvndfünffzigisten Jars stett. Das wir demnach gedachtem Hain=
richen von Gersdorff auff die fürpitt. so seinenthalben an vns geschehen vnd dann von seiner getreuen dienst vnd besondern genaden wegen solch obberürt
Stifft vnd Closter Dobrilugg vber die vorgemelten zwen Leib noch auff zwen seiner Sün als Hainrichen vnd Volckmarn Leib oder leben lang vnablöslich
Inzuhaben vnd zuegeniessen genedigist bewilligt haben. Thuen solliches auch hiemit wissentlich vnd in Krafft dits brieffs aus Behaimischer künig=
clicher macht vnd volkhomenhait. als künnig zu Behaim vnd Marggraff In Niderlaußnicz. Also das er Hainrich von Gersdorff vnd seine drey Sün als Ru=
dolff. Hainrich vnd Volckmar Ir leben lang solch angezaigt Stifft vnd Closter Dobrilugg. doch anderst nit. als wie solches die obberürt vnser vorige ver=
schreibung lauttet vnd clärlich außweist vnd vermag. besiczen geniessen vnd gebrauchen sollen vnd mügen. on vnser vnserer Erben vnd Nachkhümen vnnd
sonst menigclichs von vnserntwegen eintrag Irrung oder verhinderung. Vnd das auch weder wir noch vnsere Nachkhümende künnig zu Behaimb.
vnd Marggraffen In Niderlaußnicz dasselb Stifft vnd Closter Dobrilugg von Inen Vieren In Irer Vier leben nit ablösen sollen noch wellen. Aber nach aller Irer
vier absterben. soll vns vnsern Erben vnd Nachkhümen vnd den Closter leütten zu Dobrilugg durch gedachts Hainrichs von Gersdorff vnd ernennter seiner
dreyer Sün Erben angeregt Stifft vnd Closter Dobrilugg nach emphangner Phandsuma der Neunvndvierzig Tausent achthundert Taller Auch der drey
Tausent Taller bewilligts Paugelt wie er Hainrich von Gersdorff dasselb eingenomen Zusampt des harinden hab souill vber das so den Ordenspersonen
vermüg aines Deputats In voriger verschreibung begriffen Zuegestelt. vberbleiben wirdet Innhalt aines Inuentary so Ime Hainrichen von Gersdorff durch ge=
dachten Albrechten Schlicken mit seiner hannd vnd Pettschafft verfertigt vberantwurt worden. on alle waigerung vnd außflucht von stundan wie es die
porig verschreibung vermag widerumben abgetretten vnd eingeraumbt werden / Alles genedigclich vnd ongeferlich. Zür Vrkundt dits
brieffs verfertigt mit vnserm künigclichen anhangenden Insigl. Geben In vnser Statt Gräcz In Steyr am zwainczigisten tag
des Monats Marcij Nach der geburt Cristi Im fünffzehenhundert dreyvndfünffzigisten. vnserer Reichs Römischen Im dreyvndzwainczigisten vnd der