Wir Magdalena Bergerin Ebtissin, Anna Belwitzin
Priorin, Walpur Bergerin Suppriorin, Barbara
Belwitzin Kellerin, vnnd die gannze samblung vnnd
conuent des Jungkfrawen Closters Marienthal,
Bekennen mit diesem vnnserm Brieff vor Jedermennig=
lichen, die Jhn sehen oder horen lesen, Demnach
der allerdurchleuchtigist, grosmechtigist furst
vnnd Herr, Herr Ferdinand, Romischer, auch
zu Vngern vnnd Behem (et)c(etera) Konig, Jnfant in
Hispanien, Erczherzog zu Osterreich (et)c(etera) vnnd
Marggraff zu Lausitz, vnser aller gnedigister
Herr, zu hochwichtigem erheblichem notturfften
vnnd obliegen vns vnnd andere Geistliche
Gestifft, vmb ein vnterthenigste hilff vnnd
darleihung, anlangen lassen, Vnnd aber
dieselbe suchung vnnd darleihung, sich so hoch
erstreckt, Das wir die aus aignem vermuge(n),
ohne zuthun ehrlicher leute hilff vnnd
verstreckung nicht erschwingen mogen, Vnd
vns demnach auf vnser sonder bitt vnnd
begehren, der Edle vnnd Ehrenueste Hanns
von Ponickaw zu Viese, ein thausent gulden,