Wir Albrecht vonn Coldey vonn küniglicher mechte zü Behemen hauptmann der fürstenthümer Schweidnitz unnd Jawer bekhennen offentlich mit disem brieve allenn den
die ihn sehenn ader horen lesen das vor unns khommen ist der Ersame unnd andechtige herr Niclas Warten Compter zür Stregin gesunder leibes unnd aller vernunfft unnd hat vonn seines gancz(en)
Ordens der Creutziger wegenn daselbst zür Stregin mit wolbedachtem müte recht unnd redlich uff ainem widerkhauff verkaufft verraicht unnd inn unser hennde williglichen uffgelassen
dem woltüchtigen Nickel Borewicz zü lubartal gesessenn umb funfftzig margk grossenn Prager müntze pehmischer zal funff margk grossenn Jerlicher zinse inn unnd uff allem das sie hab(en)
inn dem ganczenn dorffe unnd seiner zugehorungenn zü lossen inn dem weichbilde zür Stregin gelegenn Es sey ann feuerwerkenn gebeüenn getreidenn zinsenn Renthenn inn pfennigen ader ge
treidezinse woran ader worinne das alles sein magk keins uszgenomenn noch uszgesondert unnd nach tode des benanndtenn Nickel Borewicz sollenn die vorbenanndten funff margk gross(en)
welcher zinse ann die andechtige Junckfrawen katherina irn closter zür Stregin seine tochter zü iren lebetagenn unnd dann nach irem tode wider hinder sich ann des genandten Nickels Bore
wicz ires Vaters kinder ann dieselbigenn ir brüder Schwestern nehstenn unnd rechten nachkhommenn Auszgenomenn die aine margk geldes sal bey dem closter zür Stregin bleibenn So
ferne die vorgenannte Junckfraw katherina inngefeinet wirdt unnd inn dem closter bleibt khommenn unnd gefallenn ungehindert zügebenn unnd zübezalenn dieselbenn zinse alle
iar ierlichenn uff igliche Quatemberwochen ein schogk grossenn in uff die nehstkhommende anzühebenn unnd also vorbasmehr igliche nachfolgende Quatemberwochen ein
schogk grossenn aller Jar gleich zügefallenn ungehindert ab das nicht geschee so sal unnd magk der benanndte Nickel Borewicz unnd nach seinem tode die obgenanndte Junckfraw
katherina ader weme sie das von iren wegenn befehlenn würde unnd danne nach irem tode des genanten Nickel Borewicz ires vaters kinder ire brüder schwestern nehsten unnd
rechten nachkhommen umb ire versessenne zinse pfenden mit hulfe des henerichters zür Stregin inn unnd uff dem obgenanten ganczen dorffe zü lossenn unnd alle seiner zügehorun
ge als offt unnd dick in das notdurfft wirdt sein Mit denselben pfannden sie auch thün mügenn als alle rechte damite begangen weren Doch mit solchem underscheide das der
benanndte herr Niclas Warten Compter oder der Ordenn der Creutziger zür Stregin unnd ire nachkhommenn die vorgenanndten zinse widerkhoufenn mügenn umb funfftzig
margk grossenn der obgenanten müntze unnd zal wann sie wellenn ungehindert In solchem kaufft verraichunge unnd ufflossunge habenn wir vonn küniglicher gewalt un
serm willenn unnd gancze gegebenn unnd haben dem obgenandten Nickel Borewicz die genandten funff margk grossenn ierlicher zinse inn unnd uff dem ganczen dorffe unnd al
ler seiner zugehorunge zü lossenn inn aller masse mainunge unnd underscheide als obenn geschriben steet gelehen unnd gelaunget unnd nach seinem tode legenn unnd laung(en)
wir die der vorgenanten Junckfrawen katherinen seiner tochter gemachsam unnd einigkhait zühabenn zügeniessenn zügebrauchenn zü iren lebentagen zübesitzenn unnd
dann nach irem tode wider hinder sich ann des genandtenn Nickel borewiczes ires Vaters kinder ann ire brüder schwestern nehstenn unnd rechten nachkhommenn Ausz
genommenn die aine margk geldes bey dem genandtenn Junckfrawenn closter zür Stregin zübleibenn so ferne die benanndte Junckfraw katherina inngefeinet wirdt unnd inn dem
closter bleibt zükhommen unnd zügefallenn in demite züthün unnd zülossenn züverkauffen züversetzen vor funfftzig margk grossenn der obgenandten müntze unnd zal unnd
dem offtgenanten herrn Niclas Warten Compter den ordenn der Creutziger zür Stregin unnd ire nachkhommen daselbst ann den widerkouff unversert Unnsers herren küniges
leenn unnd rechten unschedlich Mit urkhund diß brieves Versigelt mit des obgenanndtenn unnsers herren küniges anhangenden Jungsiegel deß wir vonn seinen wegenn
als ein haubtmann inn den obgenandtenn fürstenthümern über leen unnd sachann gebrauchenn Gegebenn züm Jawer unnd gebenn zür Schweidnitz nach christi ge
bürt Vierzehnhundert iar darnach im vierunndvierzigistenn Jare am negstenn Mondtage nach des heiligenn Creutzes tag Inuentionis Dobey seind gewest die gestren
genn unnd wolmechtigenn herr Hanns Cugk Ritter Caspar Rone vonn der Uffenn Peter Beraw vonn Uffelsdorf unnd Georg Czirnnbirch Cantzler zür Schweidnitz der
disen brieff gehabt hat im befehlunge per dominum albertum de coldey capitaneum
Wir Rathmanne der stadt Breslaw bekhennen unnd thün khünd offentlich mit dissem brieve vor Jedermenniglich das wir inn unnsern henden gehabt gesehenn unnd verlesende gehort hab(en)
einen offennenn küniglichenn brieff uff pergamen geschriebenn vonn weiland dem Edlenn gestrengenn herrenn albrechtenn vonn Coldey küniglichenn hauptmann der furstentümer
Schweidnitz unnd Jawer ausgangen unnd mit dem küniglichen anhangenden Jungsiegel der Jannelande obbemelter furstenthümer deß er zü lehen unnd zü sachenn belegle ann
pergamenn innsiegel unnd sunst allennthalbenn gancz tüchtig unversert unnd unvordechtig vonn wort zü wort wie obenn geschriebenn steet lautende Zü urkhund hab(en)