Wir Burgermeister vnd Rat der Stadt Elbogen Be
khennen für vnß vnnsere Erben vnd Nachkhomen of
fentlich hiemit disem brieff vor menigklich. Als
der allerdurchleuchtigist, Großmechtigist, vnnd vn
überwindtlichist, Fürst vnd Herr, Herr Ferdinandt
Romischer kaiser, auch zu Hungern vnd Behaimb künig
Ertzhertzog zu Osterreich vnser allergnedigister Herr,
den Craiß Elbogen von den Durchleuchtigen Hochge
bornen Fürsten vnd Herren, Herrn Hainrichen dem Eltern
vnd Herrn Hainrichen dem Jüngern, des hailigen Romi
schen Reichs Burggrauen zu Meissen, Grauen zu Har
tenstain, vnnd Herrn zu Plauen vnd Geraw, Gebrüedern,
In irer kai(serlichen) ma(ies)t(a)t vnd derselben Erben vnd Nachkho
men aigen abzulösen entschlossen, vnd vns denselben
auf vnser vnndterthenigist bit, vnnd erbieten, das
wir Irer kai(serlichen) ma(ies)t(a)t obgedachte pfandt Summa, der
ainvndzwaintzig Tausent Taler, so hochgedachte
Burggrauen zu Meissen, darauff verschrieben ge
habt, noch Sechßtausent Taler, vnnd also sollich
lich dreissig Tausent Taler, gehorsambist dar
für darzulegen, vnnd solliches Craiß nach dreissig