Kauffs Berednuß zwischen der Rom(ischen) Kay(serlichen) M(ajestä)t
vnd Herrn Hannß Tzirnßky vmb das Guett
Sezemicz, wie hernach volgt.
Nach deme durch d(er) Rom(ischen) Kay(serlichen) M(ajestä)t, vnsern allergnedigisten
herrn, das Lehendt Guett Sezemicz, sambt ainem ödenn
Sitz Krietnicz genandt, mit aller derselben ein vnnd zuegehor=
ung, alß ain Völligkhait, Nach weilandt Burian Sassan=
bernern vnd nach außweisung des Loblichen Landt Rechtens
der Cron Behaimb ergangner Vrtl, stracks zuerkhandt vnd
anhaimb gefallen ist.
Alß haben Ir(e) Kay(serliche) M(ajestä)t ermelts Guett Sezemicz sambt
allen derselben zue vnd eingehörungen, derselben Rath
vnnd Turchneider herrn Jan Tzirnßky (obewol ain merers
wierdig) doch In ansehung seiner Ir(er) M(ajestä)t langwierigen
getreuen vnnd vleissigen gelaisten Dienst, Auß Khaiser=
lichen gnaden, Vmb 10000 Taller Erblichen Kauffsweiß
gnedigist zuekhomen lassen, Dieselbe für sich, seine Er=
ben, vnnd nachkhomen, zugeniessen, zugebrauchen, zuver=
kauffen, zuversetzen vnd zuverendern, des besten gefal=
lens.
In wellichen Zehen Tausent Taller Kauff Summa, gedachter
Tzirnßky der Kay(serlichen) M(ajestä)t noch Zehen Tausent Taller, gegenn
gebürlicher versicherung, Darleihen, Außzallen,