Gregorius ep(iscopu)s seruus seruor(um) dei Charissimo in Xpo filio Maximiliano Romanor(um) Regi illustri in
Imperatorem Electo Sal(u)t(em) et ap(osto)licam ben(edictionem) Gratie diuine premium et humane laudis preconium acquiritur si per seculares
Principes eccl(es)iar(um) Prelatis presertim pontificali dignitate preditis opportuni fauoris presidium et honor debitus impen
datur Hodie siquidem electionem de persona dilecti filij Martini Electi Vratislauien(sis) ad eccl(es)iam Vratislauien(sem)
tunc pastore carentem per dilectos filios Capitulum Vratislauien(se) canonice celebratam de fr(atru)m n(ost)ror(um) consilio ap(osto)lica auct(orita)te approbauim(us)
et confirmauimus Ipsumq(ue) illi in Ep(iscopu)m prefecimus et pastore(m) curam et administrationem ipsius eccl(es)ie sibi in sp(irit)ualibus et t(em)p(or)alib(us)
plenarie committendo prout in n(ost)ris inde confectis l(itte)ris plenius continetur Cum itaq(ue) fili charissime sit virtutis opus Dei
ministros benigno fauore prosequi ac eos verbis et operib(us) pro Regis eterni gloria venerari Maiestatem tuam regia(m)
cum tu et Boemie Rex existas rogamus et hortamur attente q(ua)t(en)us eundem Martinum Electum et p(re)fatam eccl(es)iam sue cure
commissam habens pro n(ost)ra et ap(osto)lice sedis reuerentia propensius commendatos in ampliandis et conseruandis iuribus
suis sic eos benigni fauoris auxilio prosequaris q(uo)d idem Martinus Electus tue Celsitudinis fultus presidio in
commisso sibi dicte eccl(es)ie regimine possit Deo propitio prosperari Ac tibi exinde a Deo perenne vite premium et
a nobis condigna proueniat actio gratiar(um) Dat(um) Rome apud Sanctum marcum
Anno Incarnationis Dominice Millesimo quingentesimo septuagesimo quarto Pridie k(a)l(endas) Septembr(is)
Pont(ificatus) n(ost)ri Anno Tertio.