Wir Lasla von gottes gnaden der vngern
zu Behmen, Dalmatien, Croatien (etc.) K(o)nig, Herczog zu
Osterreich, Marggraff zu Mehren vnd zu Lussicz, Bekhen:
nen vnd thuen khundt, Allermeniglichen mit disem
brieff, dz fur vns khomen Jst vnser lieber getreuer
Wenczel Burggrafe von Dhonin zun Greffenstain gesessen
vnd hat vns diemietiglich gebetn, dz wir Jme vnd seinen
erben, dz Schlos Greffenstain, vnd das schlos Falkhen:
wergkh, weliches zerbrochen, das Stetl(ein) Cratze, mit einem
freiem markht, dz Stetlin Troga, dz Dorff Wiczwaldt, mit
Jren zollen vnnd zinsen vnnd Strassen, vnnd die dorffer
Lietten, Ratzendorff, Denis Geissdorff, Oberkratz, vnd
nider kratzen, Margendorff, Diettrichsdorff, Schonbarg, Her:
manßdorff, Herndorff, Petiengsdorff, die manschafft zu
Kuppitingsdorff, die manschafft zu wustings, vnd die man:
schafft zu Bertholtsdorff vnd Bullendorff, vnd zu Vllich
dorff, vnd mit allen vnd jeczlichen manschafften, die do
von alters her, zu dem schlos Greffenstain, mit allem
geistlichen vnnd weltlichen lehen gehort haben, die von
etwan Jhonen von Dhonin seliger gedechtnuß in khauffs
weiß an in khomen sindt, vnd darzue den Bergkh Komandt
auch mit allen vnd jeczlichen manschafften gerichten Obersten
vnnd Nidersten, vnd den dorfferen Henrichsdorff, Divara,
Mulberg, Schonboren vnd Ratzendorff, vnd auch allen geburg
vnnd bergkwergkhen, die von Hlawaczschen von Dhonin seinen
vettern, auch in khauffs weiß an Jn khomen sundt, vnd