Wir Rudolf der ander von Gottes gnaden Erwolter
Römischer Khayser zu allen zeitten Merer deß Reichs, In Germanien zu Hungern Behaimb Dalmatien Croatien (et)c(etera) Khünig, Ertzhertzog zu Osterreich, Marggraf in Mährern Hertzog zu Lutzelburg vnnd in Schlesien, Marg
graf zu Laußnitz. Entpietten den Erwirdigen, Wolgebornen, Gestrengen, Edlen, Ernuesten, Fürsichtigen vnd Erbarn, Vnserm Landtuogt, vnd getrewen lieben N: Prelaten, Herrn, Ritterschafft,
Mannschafften, vnd denen von Stetten, Vnsers Marggraffthumbs Niderlaußnitz hiemit genedigist zuwissen. Nachdem hieuor auß sundern bedencklichen vrsachen, vnd fürnemb
lich wegen verhuettung schedlicher vndershlaiff vnd Contraband, so wegen der nit rechten durchgeend verfellung der Wahren, so durch gedacht Vnser Marggraffthumb Niderlaußnitz, durch die Bawers handels vnd
fuhrleuth gefüert, etwo getrieben worden, möchte dise Anordnung beschehen, Das allweg die Wahren an den Zollstetten besichtigt werden sollen, Vnnd aber seither vnser gehorsambe Landtstend vnd Stett vnsers
Marggraffthumbs zu Vnderschiedlichen mahlen beschwert befunden, Das sölliche vmbwerffung der Wahren, nit allain den Burgern vnd Inwohnern selbigen, auch in gemain allen Inwohnern sein höchster schedlich
sondern auch an Vnserm zollgefellen Nachtheillig, weil die fuhrleuth andere straß suchen, vnd vnser Marggraffthumb gar vmbvaren, vnnd da sie Landtstraß suchen möchten theten. Erwegen vnd
Demütig angesuecht vnd gepetten, Das wir sölliche Wahrenvmbwerffung genedigclich einstellen, vnd hinfüro bey dem zoll, deß von Wagen Roß ain halben thaller nemben lassen wolten. Das
wir demnach sölliche vnderthänigiste pitt genedigist bewilligt, sölliche vmbwerffung von ersten Januarij nechstkünfftiges Neunvndachtzigisten Jars ain Jar lang vnd auf Vnsere fernere vergestalt einstellen
zulassen. Das Nemblichen wie obsteet ain Jeder fuherman, so auß Pollen, Preüssen, Reüssen, der Marck Brandenburgk, vnd anderen Ortten nach Leiptzig, Nürmberg, vnd Oberlaußnitz durch Vnser Marg
graffthumb Niderlaußnitz mit seinen Bawern, wie nun das, den Namen haben mag, fähren würde, von ains wagen Roß allweg ain halben Taler zoll, als nemblichen ain halben Taler ein groschen, vnd ain halben Taler
ein wider zu vnschreiben zu raichen schuldig vnd verphlicht sein soll. Vnnd gepietten darauff Vnserm Landtuogt, Verwalter der Landtshaubtmannschaft, N: Regenten vnd lantsolde
reüttern, vnd soll Einheimbschen Vnsers Marggraffthumbs Niderlaußnitz mit Ernst vnd wöllen, das sy diser Vnserr genedigisten bewilligung würcklich nachkhomen, vnd die entliche verordnung thuen, Da
mit hie wider Niemand wider billigkhait beschwert werde. Daran volbringet sy Vnsere genedigisten entlichen gefelligen willen vnd mainung. Geben auf Vn
serm Khüniglichen Schloß Prag den fünffvndzwaintzigisten Decembris Anno (et)c(etera) Acht vnd achtzigisten. Vnsers Reichs des Römischen im Dreyzehenden, Deß Hungerischen im Si
benzehenden, vnd deß Behaimbischen auch im Dreyzehenden.
Rudolff