Wir Rudolff (etc.) Bekhennen
~offenntlichen~ Mit disem
brieff unndt thuen khundt
ganz Allermenniglichen, Nachdem
sich zwischen dem (Tit.) obristen
Landthofmaister an ainem, unnd
dem (Tit.) Burgern ~Mladota~
anndern thails unnderschidliche
differennzen unndt Missverstännd
erhebt, dadurch ain unndt
der annder thail sonnderlichen Aber
bedachter unngter o(brister) Landthofmaister
ainess behaubten Gewalts
halber an seinen ~Eren~ verlezt
zu sein vermaint hat, unndt
dann Jeztgemelter unngter Landthof=
maister unns die sonndern
gnedigisten gefalln, Er auch
auf unnser begeren die Mladta
solche der differennzen unns
unnderthänigist anhaimgestelt.
Das wir selbe differennzen schon
auß unndtsamben unndt beveren=
den ursachen, mit vorzuhaltung
Zeitlichen Raths, unnsers Er=
Gehaimb unnd Lehen Raths
hiemit cassirt, annullirt unndt
gennzlichen aufgehebt haben.