Copia Simplex 33
Joannes Dei gratia Boemiae et Poloniae Rex, ac Luxemburgensis
Comes universis in perpetuum.
Decet Majestatem Regiam subditorum suorum commodis intendere, noxia
submovere, et in eos potissime, quos devotos et benevolos sibi fore noverit,
dexteram suam extendere liberalem. Cum igitur ex parte devotorum
nostrorum Bavari Abbatis et Conventus Monasterij Brunoviensis Ordinis
Sancti Benedicti Pragensis Dioecesis nostrae fuerit Celsitudini supplicatum,
quatenus articulum quendam subnotatum in literis seu instrumentis lo=
=cationis super bonis ipsorum Abbatis et Conventus Monasterii antedicti
in Brunow Civitate scilicet et territorio ejusdem fidelibus nostris
Wolframo et Mathiae Fratribus dictis de Panewiz ad eorum vitae
tempora sub certis conditionibus et pactis per eosdem et Conventum
praedictum de consensu et voluntate nostris expressis, expositis, in
ipsorum Abbatis, Conventus, et Monasterii praedictorum praejudicium,
imo dispendium grave nimis et irrecuperabile interpositum et inclusum,
quod videlicet de bonis suprascriptis, civitate Brunow ac ipsius
territorio cum suis juribus et pertinentiis omnibus post dictorum
fratrum Wolframi et Mathiae decessum absque mandato nostro, haeredum
ac successorum nostrorum speciali nihil facere, aut disponere habeant,
neque possint, retractare, irritare et annulare, quin imo retractatum,
cassum irritum, et nullum decernere seu diffinire de benignitate
Regia dignaremur. Nos ipsorum Abbatis et Conventus precibus
justis ac rationabilibus gratiosius inclinati, articulum supradictum
in quantum per eum Wolframo et Mathia fratribus de Panwiz
praefatis non extantibus, Nos, haeredes, aut successores nostri praedicti,
aut alius quicunque nostro nomine vel mandato seu jure bona saepe
dicta possemus, possent, aut posset impetere aut aliquomodo vendi=
=care, praesentibus omnino ac totaliter adimentes, et de munifi=
=centia Regia penitus suffocantes retractamus, cassamus, irritamus
et annullamus, quin imo retractatum, cassum irritum, atque nullum
diffiniendo auctoritate Regia decernimus, auferentes ab eodem