Der Hochwürdiger, Durchleuchtiger vnnd Hochgeborner Fürst
vnnd Herr, Herr Heinrich Iulius, Postulirter Bischoff des
Stiffts Halberstadt vnnd Hertzog Zur Braunschweig vnndt
Lüneburgk p(er) Röm(ischer) Kay(serlicher) May(es)tt(ät) geheimmer Rhatts hinter,
lassener Obrister Director p(er) Vff der Kuttenbergischenn
Bergk Kärhern vnnd Verwandtenn Vielfeltiges gethanes
vndertheniges vnnd Vleissiges ansehenn vnnd bittenn,
erkleret vnnd resoluirt sich schliesslichenn hiemitt vol,
gender gestaldt vnnd also, Das I(hre) f(ürstliche) g(naden) itzbesagtenn
Kuttenbergischenn gegenn Außzahlung des nachstandes
noch Vff drey Iahr, Iedes Iahr einn Tausendt Centner
bley, Zue ansehung das nun die Zechenn altt vnnd tieff,
auch darZue itzo nur die helffte der heüer so hiebeuornn
gangenn, auß mangell der geholtz im brauch seinn,
Vor deßmall Vonn I(hre) f(ürstliche) g(naden) Goßlarischenn Vnternn
Bergkwerckenn in dem Kauff wie die selbenn bley
denn Vorhoffenn Vonn I(hre) f(ürstliche) g(naden) angeschlagenn nemblich
vmb fünff güldenn Müntz Iedenn Centner binnenn
Goßlar Zuer stadt Volgenn Zulaßenn, gemeint seinn,
Iedoch dergestaldt das mehrernante Kuttenbergische
damitt directo ann die Vorhoffe, Welche sich denn
wegenn des Vonn I(hre) f(ürstliche) g(naden) im Ihrenn Contract sonder,
lich bedingtenn Vorbehaltes hierab nicht Zube schweren
habenn mügenn, Verwiessenn seinn, vnnd gemelte