Wir Wladislaus vonn gots gnadn künigk zu Behem Marggraue zu Merhern Herczog zu luczem
burgk vnnd Slesien vnnd marggraue zu lawssicz Bekennen vnnd thün kundt mit dissem vnnserm briue tzem
allermeniglich das fur vns komen ist Caspar hardecker zu Troppaw vnns(er) lieber getrawer vnd hat vns furbracht
ein briue lawttende vber die padstuben ze künigspergk darinne stet vnnser künigk daselbst zu künigspergk der pad
stuben halben gen sein vorfarn vnnd jme verschrieben haben wie vnnd der selbe jre briue des clerlichs jnnhalt
vnd anzeigtt Vnnd diemütiglichen gebeten das wir jme vnnd seine erben solichen briue vnnd gerechtigkait
die er hat drüber bestettigenn vnd zu Confirmirn geruetten Des haben wir angesehen getraw willige dinst
die sein vorfarn vnns(er)n vorfarn künigen ze behem loblicher gedechtnüss vnd vnser krone gethan habenn
vnnd vns in künfftign zeitten thün sol vnnd magk Darumb mit wolbedachtem müte gutem rate vnnd
rechter wissen habenn wir deme benantem hardecker vnnd seinen erbn solich jr gerechtigkaitt vnnd briue
die sie haben vber die padstuben wie d(er) von wortt zu wort lawtt Confirmirt vnd bestettigtt Confirmirn vnd
bestettigenn jme den von künigklicher macht in krafft ditzs briues Wollen vnnd seczen das der also noch
seinen jnnhalt gehalden sol werden von ydermeniglich vngehindertt darumb gebieten wir den Edln starcken
Leon laczm h(er)r(n) zw rosenbergk vnns(er)n lieben getrawen die cze slos vnnd stat Ellogenn jnnhaben
odir wer in zukünfftign zeittn vonn vnns(er) wegen die benannten slos vnd stat jnne haben wurd(en) Ern
stlichen vnnd befelhenn deme bestimpten hardecker vnnd seine erben bey solicher jrer gerechtigkait hanntt
haben schüczen vnnd schirmen darwider nicht thün noch ymandes zethün gestatten bey vermeidung vnn
ser swerenn vngnade Mit vrkund ditzs briues versigelt mit vnns(er)m künigklichen annhanngenden jn
sygil der Gebenn ist ze prage am Suncztage noch sant kiliyen tage nach cristi gepürt vierzehennhundert
vnnd in dem funff vnnd sibenczigistn vnnser(e)s reichs jm funfften jare
Ad relac(i)on(em) Johannis de Rüpach
Sygnauit dom(inus) Rzyw